یەک ژ کەسایەتێن گرنگێن جیهانا سیاسی و رەوشەنبیریا کورد فوئاد ئۆنه‌ن، ده‌ربارێ پێڤاژۆیا چارەسەریێ و مژارا قەیوومێن ل شارەداریا ئەسەنیورتێ ئاخڤی. ئۆنه‌ن دەربارێ مژارێ نڤیسەک پارڤە کر و پۆلیتیکایێن ئاهمەت ئۆزەر یێن یەکتیا دەولەتا ترک و فکرێن وی یێن ژ هەڤ جودابوونا ترک – کوردان ژی رەخنە کرن.
ئۆنه‌ن د داخویانیا خوە دە بال کشاند سەر ساخته‌كاریێن دەولەتا ترک، ئه‌و ساخته‌كاریێن كو ژ بۆ هێلانا كوردان ل ژێر سه‌یوانا ده‌وله‌تا ترك تێن ئه‌نجام دایین.
ئۆنه‌ن گۆت:
«من ل ئاخافتنا کۆما ئەردۆگان گوهداری کر. دەست ب گۆتنا «برایێ منێ کورد» کر و پرتووکا ئاهمەت ئۆزەرا ب ناڤێ «کورد و ترک ل سێ خاچەرێیێن دیرۆکی» کورت کر. ئۆزەر د وێ دەمێ دە ل مدووریەتا پۆلیسان بوو. و ئەردۆگان ژی بەحسا دلپاکیێ دکر. فکرێن ئاهمەت ئۆزەر ل سەر دەستهلاتداریێ نە، ئه‌و د گرتیگەهێ دە یە!»
ئۆجالان ژی پەسنێ ڤێ پرتووکێ دا. ئەڤ پرتووک ب تەمامی سەختەکاریەکا دیرۆکی بوو. وەک پرۆفەسۆرەکی کورد دیرۆکا فەرمی یا ترکان دپاراست.
ئەڤ داویا خەمگینا لێگەرینا لهەڤهاتنا هەڤپارا ب داگیرکەران رە یە.
ئەز هێڤی دکم کو ژ بۆ کەسێن کو ل بەندا ئینسیاتیفا دەمۆکراتیکا باهچەلی نە و ب مە رە تێکلی دانینە ببە دەرس.
بلا ئەڤ ببە دەرس ژ بۆ کەسێن کو روحێ مالازگرت، چالدیران و چاناککالەیێ دپارێزن و روحێ كو دبێژە بلا دەولەتا خوە ژ هەڤ ڤەقەتینن و ئاڤا بکن.
سلاڤ ژ بۆ وان کەسێن کو ژ رێیا کوردستانا سەربخوە دەرناکەڤن».
