پۆلیسان ئێرشی کەسێن کو ل دژی دەستەسەرکرنا شارەداریا ئێلهێ ل بەر خوە دان کرن و هەری کێم 60 کەس بنچاڤ کرن.
پشتی شارەداریا ئێلهێ هات دەستەسەرکرن، ل کۆلانێن باژێر ب چەپک و درووشمەیان، چالاکیێن شەرمەزارکرنێ هاتن کرن. پۆلیسان ب گوللـەیێن پلاستیک، ئاڤا شد و گازا ئیسۆتێ ئێرشی چالاکیا گەل کر.
هات راگهاندن، د دەما چالاکیان دە ئەندامێن مەجلسا شارەداریێ ژی د ناڤ دە، هەری کێم 60 کەس هاتن بنچاڤکرن.
ئەڤ یەک پشتی وێ تێ، وەزارەتا ناڤخوە یا ترکیەیێ دوهی بریار ل سەر دوورخستنا سەرۆکێن شارەداریێن مێردین، باتمان و خالفەتیێ و دانانا قەیوومان ل جهێن وان دابوو.
