سەرۆکێ گشتییێ مه‌هه‌پێ دەڤلەت باهچەلی گۆت: “هەکە عه‌بدوللا ئۆجالان ببێژە په‌كه‌كه قەدیا و رێخستن ژ هۆلێ رابوو، بلا وەرە کۆما دەمێ و ڤان تشتان یەک ب یەک ببێژە. ئەز ل پشت گۆتنا خوە مە و د پێشنیارا خوە دا ئیسرار دکم”.
باهچەلی د کۆمجڤینا پارتیا خوە یا ل مەجلسێ دا ئاخڤی.
باهچەلی بەحسا کوردان و تێکۆشینا ل دژی په‌كه‌كێ کر و وها گۆت: “هەمبێزکرنا کوردان ئەسلە، تێکۆشینا ل دژی په‌كه‌كێ ئەساسە. پاقژکرنا ئەشقیایێن چەکدار مەجبورییە و لهەڤکرنا د سیاسەتێ دا فەیدەیا مە یا هەڤپارە”.
دەر بارێ شارەدارێن کو ژ وەزیفەیێ هاتن ژدوورخستن و شوونا وان کەسێن دن هاتن وەزیفەدارکرن دا ژی باهچەلی وها ئاخڤی: “شارەدار ئان وێ وەک مێران وەزیفەیێن خوە بکن، ئان ژی وێ گوهـ بدن کریارێن مافدار و مەشرووع یێن دەولەتا ترک یێن د ناڤ سینۆرێن حقووقێ دا”.
باهچەلی گۆت سەرۆکۆمار ئەردۆگان ئەڤیندارێ مللەتێ خوەیە و وها دەوام کر: “برێز رەجەپ تایییپ ئەردۆگان ژ بۆ ئاڤاکرنا سەدسالا ترکیەیێ تەمیناتە، ئەڤیندارێ مللەتە و ب تەجروبە و زانینا خوە ڤه ژ بۆ مە تەکانە ڤەبژێرکە”.
باهچەلی دەر بارێ شارەدارێ شارەداریا باژارێ مەزنا ستەنبۆلێ ئەکرەم ئیمامۆگلو دا ژی وها گۆت: “ژ بەر کو ئەم سیاسەتا ئەکرەم ئیمامۆگلو ناپەژرینن، ئەز هەڤدیتنێ گونجاڤ نابینم. دبە کو ڤێ هەڤدیتنێ ئیستیسمار بکن و مه‌هه‌پێ ژی تەڤلی هن گەشەدانێن ل ترکیەیێ بکن”.
