پشتی کو دەولەتا ترک قەیوومەک ل سەر شارەداریا باتمانێ دانا، ھات زانین کو مالپرا کوردی یا شارەداریا باتمانێ ھاتیە راکرن. د مالپەرا فەرمی یا شارەداریا باتمانێ دە نووچەیێن کوردی ژی دھاتن پارڤەکرن کو، نووچەیێن نوو و یێن کەڤن ھەموو پشتی دەست بکاربوونا قەیوومی ھاتن ژێبرن.
د 4 مژدارێ دە ھات راگھاندن کو قەیووم ژ بۆی شارەداریێن وەک شارەداریا باژارێ مەزن یێ مێردینێ، شارەداریا باتمانێ و شارەداریا خەلفەتیا روحایێ هاتنە دەستنیشانکرن. بۆ شارەداریا باتمانێ پارێزگارێ باتمانێ ئەکرەم جانالپ شوونا گولیستان سۆنوک وەک قەیووم ھات ئەرکدارکرن.
پشتی کو قەیوومان دەست ب کار کرن ژی، ھات زانین کو قەیوومێ شارەداریا باتمانێ ژ مالپەرا فەرمی یا شارەداریا باتمانێ ھەموو پارڤەکرنێن ب کوردی دانە راکرن. شارەداریا باتمانێ ل سەر مالپەرا خوەیا فەرمی ب 2 زمانان پارڤەکرنێن خوە دکرن.
ئەڤ یەک د مەدیایا جڤاکی دە ژی د رایا گشتی دە ژی راستی بەرتەکێن بەرفرەھ ھات.
وەزارەتا ناڤخوەیا ترکیەیێ بەری دو رۆژان بریار ل سەر دوورخستنا سەرۆکێن شارەداریێن مێردین، باتمان و خالفەتیێ و دانانا قەیوومان ل جھێن وان دا، ھەروەسا ژ بۆ دەما 10 رۆژان ھەمی چالاکیێن سڤیل ژی ھاتن قەدەغەکرن.
