ئۆپەراسیۆنا ئەولەھیا دۆمدارا ل کامپا ھۆلێ و دەردۆرا وێ د رۆژا دویەمین دەیە. ھەیا نھا 40 چەکدارێن داعشێ ھاتنە گرتن و گەلەک چەک ھاتنە دەستەسەرکرن.
ئۆپەراسیۆنا ئەولەکاریا دۆمدار کو ژ ئالیێ ھێزێن سووریەیا دەمۆکراتیک (ھەسەدێ) و ھێزێن ئەولەکاریا ھوندرین (ئاسایش) ڤە ل کامپا ھۆلێ و دەردۆرا ڤە ھاتیە دەستپێکرن، د رۆژا خوەیا دویەمین دە دەوام دکە.
ل گۆری ئاگاھیێن کو فەرماندارێن ئۆپەراسیۆنێ ھاتنە دایین، ھەتا نھا چەتەیەکی داعشێ ھاتیە کوشتن، 40 چەکدارێن داعشێ ژی ھاتنە گرتن و ھەژمارەک چەک و جەبلخانە ھاتنە دەستەسەرکرن.
ئارمانجا ئۆپەراسیۆنێ، پاقژکرنا 100 کیلۆمتەران ل کامپا ھۆلێ و دەردۆرا وێ (دەڤەرا د ناڤبەرا ھۆل، تل حەمیس، حەسەکێ، عەشیرە و شەدادێ دە)یە.
ھێزێن ئۆپەراسیۆنا ئەولەھیا دۆمدار د داخویانیەکێ دە دیار کر، ب دەھان شکەفت و جھێن کو تەرۆریستێن داعشێ خوە لێ ڤەدشارتن، ھاتنە پاککرن.
