تركیێ ژ1ی ڤێ مه‌هێ ڤه ب ده‌هان بۆمبه و مووشه‌ك ل سه‌ر گوندێن دهۆكێ باراندنه
ئارتێشا تركیێ ب سه‌ده‌ما ته‌ڤگه‌را په‌كه‌كێ، ژ 1ی مژدارێ ڤه ب ده‌هان بۆمبه و مووشه‌ك ل سه‌ر 10 گوند و هه‌رێمێن دیار یێن پارێزگه‌ها دهۆكێ باراندنه، ئێریشان زراره‌ك مه‌زن ل په‌ی خوه هشتیه و شێنیێن ڤان گوندان د نیگه‌رانیه‌كه به‌رده‌وام ده رۆژێن خوه ژیان دكن.
ل گۆری بیلانچۆیا په‌ڤچوونێن په‌كه‌كێ و ئارتێشا تركیێ یێن ژ 1 مژدارا ئیسال 2024ێ ڤه، 10 گوند، گه‌لی و چیایێن دیار یێن سینۆرێ پارێزگه‌ها دهۆكێ د ئۆپه‌راسیۆنا په‌نجه ده هاتنه بۆردومان كرن، ده‌وله‌تا ترك ئێریش دژوار كرنه، هه‌موه‌خت په‌كه‌كێ ژی ته‌ڤگه‌را چه‌كدارێن خوه پێتر نێزی گوندان كریه.
گوند و هه‌رێمێن دهۆكێ یێن ژ 1ی مژدارێ ڤه كه‌تنه به‌ر ئێریشان
هنداڤی گوندێ گوهه‌رزێ.
گوندێ بازێ.
گەلیێ بازێ.
گوندێ بەرچێ.
گەلیێ شێلازا.
گوندێ مژێ.
چیایێ بێسمتی.
چیایێ مەتینا.
دەریێ بێرا.
گوندێ سپیندارێ.
ئێریش ووسا بوون:
ل 2024/11/1:
دەمژمێر 3:18 نیڤرۆ بالافرێن ئارتێشا تركیێ توونه‌لا چەکدارێن په‌كه‌كێ ئەوا ل هنداڤی گوندێ گوهه‌رزێ ل ناحیا دێرەلۆکێ ل دەڤەرا نهێلیا بۆردومانکریە.
دەمژمێر 7:30 مەغرەب تۆپخانه‌یێن ئارتێشا تركیێ گوندێ بازێ ل دەڤەرا بەرواری بالا تۆپبارانکریە و یه‌ك گوللـهتۆپ لێدایە.
ده‌مژمێر 8:45 شەڤێ هەلیکۆپتەرێن ئارتێشا تركیێ هنداڤی گەلیێ بازێ ل دەڤەرا بەرواری بالا ب چەکا دۆشکێ و مووشەکان بۆردومانکریە.
ل 2024/11/2:
دەمژمێر 4:30 ئێڤاری تۆپخانه‌یا ئارتێشا تركیێ ئاقارێ گوندێ بەرچێ ل ناحیا دێرەلۆکێ ل دەڤەرا نهێلیا تۆپبارانکریە و گوللـه‌تۆپەک ب نێزی گوند کەتیە.
ل 2024/11/3:
دەمژمێر 8:20 سپێدێ بالافرێن ئارتێشا تركیێ گەلیێ شێلازا ل دەڤەرا بەرواری بالا بۆردومانکریە.
دەمژمێر 2:20 تا 3:00 نیڤرۆ تۆپخانه‌یێن ئارتێشا تركیێ گەلیێ بازێ ل دەڤەرا بەرواری بالا بۆردومانکریە.
دەمژمێر 4:06 ئێڤاری تۆپخانه‌یێن ئارتێشا تركیێ ئاقارێ گوندێ مژێ ل دەڤەرا بەرێ گارە تۆپبارانکریە.
دەمژمێر 6:10 مەغرەب بالافرێن ئارتێشا تركیێ توونه‌لا چەکدارێن په‌كه‌كێ ئەوا ل هنداڤی گوندێ گوهەرزێ و چیایێ بێسمتی ل هنداڤی گوندێ گیزێ ل دەڤەرا بەرێ گارە بۆردومانکرینە.
ل 2024/11/4:
دەمژمێر 8:39 شەڤێ بالافرێن ئارتێشا تركیێ پشتا گوندێ مژێ ل دەڤەرا بەرێ
گارە بۆردۆمانکریە.
ل 2024/11/5:
دەمژمێر 10:00 تا 11:00 سپێدێ تۆپخانه‌یێن ئارتێشا تركیێ چیایێ مەتینا ل دەڤەرا بەرواری بالا تۆپبارانکریە و 9 نەهـ گوللـهتۆپ لێداینە، هەروەها لدەمژمێر 12:35 تا 4:00 ئێڤاری دوبارە تۆپخانه‌یێن ئارتێشا تركیێ چیایێ مەتینا تۆپبارانکریە و نێزیکی 30 گوللـه‌تۆپان لێداینە.
دەمژمێر 2:13 نیڤرۆ بالافرێن ئارتێشا تركیێ یێن ژ جۆرێ هەلیکۆپتەر دەریێ بێرا و توونه‌لا چەکدارێن په‌كه‌كێ ئەوا دکەڤە هنداڤی گوندێ گوهەرزێ بۆردۆمانکرنە.
دەمژمێر 4:46 ئێڤاری بالافرێن ئارتێشا تركیێ پشتا کەڤرێ زەر ل رۆژئاڤایێ گوندێ سپیندارێ ل دەڤەرا بەرێ گارە بۆرومانکریە.
ل 2024/11/6:
دەمژمێر 12:42 شەڤێ هه‌لیكۆپته‌رێن ئارتێشا تركیێ توونه‌لا هنداڤی گوهه‌رزێ دیسا ب چه‌كا دۆشكێ و مووشه‌كان بۆردومان كر.
ژ خزیرانا ئیسال 2024ێ ئارتێشا تركیێ قووناغه‌كه نوو ژ ئۆپه‌راسیۆنا په‌نجه ل دژی په‌كه‌كێ ل باشوورێ كوردستانێ ده‌ستپێكربوو، رۆژانه گوندێن دهۆكێ د ڤێ ئۆپه‌راسیۆنێ ده دهاتن بۆردومان كرن. هه‌ری داوی و پاش ئێریشا په‌كه‌كێ یا ل سه‌ر شیركه‌تا فه‌زایێ یا توساشێ ل ئه‌نقه‌ره‌یێ، ژ ده‌ستپێكا ڤێ مه‌هێ ڤه ئارتێشا تركیێ دیسا ئێریشێن هه‌وایی یێن ل دژی په‌كه‌كێ ل باشوورێ كوردستانێ دژوار كرنه و د 6 رۆژێن داوین ده ب ده‌هان جاران ئێریشی گوندێن دهۆكێ كرییه.
