چەکدارێن پەیەدێ یەک ژ ئەندامێن کۆمیتا شاخێ یا پەدەکە-سێ یێ ب ناڤێ خیاس ئیسماعیل د رۆژا 9ێ مژدارێ دەمژمێر 11:00 ل پێش دکانا وی یا ل دێرکێ رەڤاند.
ل گۆر تۆرا چاڤدێریا مافێن مرۆڤان یا سووریێ، چەکدارێن پەیەدێ خیاس ئیسماعیلێ 49 سالی، ئەندامێ کۆمیتا شاخێ یا پەدەکە-سێ، ل بەر دکانا وی ل باژارێ دێرکێ رەڤاندیە.
تۆرەیێ گۆت کو چەکداران ئەڤ کادرۆیێ پەدەکە-سێ بەر ب جھەکی نەدیار ڤە رەڤاندیە، و ھەتا نھا چارەنڤیسا وی نە دیارە.
خیاس ئیسماعیل ژ گوندێ بانێ قەسرێ یێ گوندەوارێ دێرکێیە.
ل گۆر ئاگاهیان، خیاس ئیسماعیل پێشتر د سالا 2016 دە ژی لگەل ھەژمارەک ژ ئەندام و سەرکردەیێن ئەنجوومەنا نشتمانی یا کورد ل سووریێ (ئەنەکەسێ) ژ ئالیێ ئاسایشا رێڤەبەریا خوەسەر ڤە ھاتبوو رەڤاندن و نێزیکی 6 مەھان د گرتیگەھێ دە مابوو.
چەکدارێن پەیەدێ هەیانی نها ب دەھان سەرکردە و ئەندامێن پارتیێن ئەنجوومەنا نشتمانی یا کورد ل سووریێ رەڤاندنە و ھەتا نھا چارەنڤیسا ھن ژ وان نە دیارە.
