وەزیرێ پاراستنێ یێ ترکیەیێ یاشار گولەر راگهاند کو ئەو ب ت ئاوایی ب په‌كه‌كێ رە ئاشتیێ ناکن و گۆت: «دڤێ چەکان دەینن و خوە رادەست بکن».
یاشار گولەر د بەرنەمایەکە تەلەڤیزیۆنێ دە دەربارێ مژارێن ل رۆژەڤێ ئاخڤی و بەحسا سەدەمێن ئێرشا ل ئەنقەرەیێ یا ل توساشێ کر و گۆت: «ل ڤێ دەرێ هەر رۆژ بەرهەمەکە نوو دەردکەڤە، پێشهاتەیێن گەلەکی باش هەنە، ب شەڤ و رۆژ کار دکن. ب یا من هەری زێدە بالافرێن بێپیلۆت نەرەحەتیێ ددن. ئەگەر هەیە ژ بەر ڤێ یەکێ وەکی ئەو دەر وەکی ئارامانج هاتبە هلبژارتن».
یاشار ل سەر پرسەکە دەربارێ دانینا چەکان ژ ئالیێ په‌كه‌كێ ڤە گۆت: ت رێخستنه‌كه تەرۆرێ ژ بۆ دانینا چەکان نایێ ئاڤاکرن، ب ئاوایەکی خوەزایی نابێژە ئەم نها رێخستنێ ئاڤا دکن و ئەم دێ سێ سال پشترە چەکان دەینن، لێ چەک ب وان تێن دانین.
هه‌روها گۆت: دەربارێ ئاشتیا مە یا ب په‌كه‌كێ رە تشتەکی وها نابە، ئەو دێ چەکان دەینن و خوە رادەست بکن، تەنێ ئەم وها دکارن خەلاس بکن، ژ بلی وێ د مەرجێن کو ئەم دبێژن دە ت گوهەرین چێنابە.
