سەرۆک بارزانی و سوودانی: پێنگاڤێن ئەرێنی و باش د پەیوەندیێن ھەولێر و بەغدایێ دە ھاتنە ئاڤێتن

سەرۆک بارزانی پێشوازیا سەرۆکوەزیرێ ئیراقێ دکە و ل گەل دا دانووستاندنان ل سەر ھندەک مژارێن گرنگ دکە.

بارەگایێ بارزانی پارڤە کریە، “سەرۆک مەسعوود بارزانی ئیرۆ (چارشەمبێ، 13/11/2024) ل پیرمامێ پێشوازیا سەرۆکوەزیرێ ئیراقێ محەمەد شیاع سوودانی کر.”

وەکی کو د راگەھاندنا بارەگایێ بارزانی دە ھاتیە، د وێ ھەڤدیتنێ دە “دانووستاندن ل سەر رەوشا سیاسی یا ئیراقێ و داوی گوھەرتن و پێشھاتێن دەڤەرێ ھاتن کرن، ھەروەسا تەکەز ل سەر وێ یەکێ ژی ھات کرن کو د پەیوەندی و ھەڤاھەنگیێن ناڤبەرا حکوومەتا ھەرێما کوردستانێ و حکوومەتا ئیراقێ یا فەدەرالی دە پێنگاڤێن ئەرێنی و باش ھاتنە ئاڤێتن.”

ھەر د وێ ھەڤدیتنێ دە سەرۆکوەزیرێ ئیراقێ “سەرکەفتنا ھلبژارتنێن پەرلەمانا کوردستانێ ل سەرۆک بارزانی پیرۆز کر و ھێڤی خواست کو، ب زووترین دەم ئالی ژ بۆ پێکانینا کابینەیا نوویا حکوومەتا ھەرێما کوردستانێ بگەھن لھەڤکرنێ.”