پارتییا وەلاتپارێزێن کوردستانێ (PWK) ب پەیامەکێ شەھیدێن سینەما عاموودێ ببیر ئانین و گۆت: “ئەم د سالڤەگەرا 64ێ یا ڤێ بوویەرا کو ل عاموودێ د دلێ ھەر کوردەکی دە برینەکە کوور ھشتییە، ڤان شەھیدێن تەمەن بچووک ببیر تینن.”
پەیاما نڤێسینگەها راگەھاندنێ یا (PWK):
د رۆژا 13/11/1960 دە ژ بۆ ئالیکارییا شۆرەشا جەزایرێ، ل رۆژئاڤایێ کوردستانێ رێڤەبەرێن باژارێ عاموودێ یێ رەژیما بەعس ل گۆر بریارا دەولەتا سوورییێ، ھەموو خوەندەکارێن دبستانێن سەرەتایی مەجبوور دکن دا کو بچن سینەمایێ ل فیلمێ “جريمة نصف الليل” (تاوانا نیڤ شەڤێ) تەماشە بکن.
سالۆنا کو ژ بۆ 200 کەسانە نێزیکی 500 زارۆکێن کوردان تێ دە ب جھ دکن. پشتی کو ھەموو زارۆک دکەڤن ھوندورێ سینەمایێ، لەشکەرێن سوورییێ دەری دگرن و ئاگر ب سینەمایێ دکەڤە.
دەما کو زارۆک ئاگری دبینن یەکسەر بەرێ خوە ددن دەریێ دەرکەتنێ. لێ مخابن دەری ژ دەرڤە دە ھاتنە گرتن و دەنگێ زارۆکان و گۆریێن ئاگرێ سینەمایێ ب ئاخ و فیغان بەرب ئاسیمانێ ڤە دھەرە.
د ڤێ کارەساتێ دە کو ب ناڤێ “ئاگرێ سینەما عاموودێ” تێ زانین، 283 زارۆکێن کوردان دشەوتن.
د ڤێ بوویەرێ دە رۆلا قەھرەمانێ کورد محەمەدێ سەید ئاغایێ دەقۆری پر گرنگە کو وی گەلەک زارۆک ژ ڤێ شەواتێ خەلاس کرنە.
ئەم د سالڤەگەرا 64ێ یا ڤێ بوویەرا کو ل عاموودێ د دلێ ھەر کوردەکی دە برینەکە کوور ھشتییە، ڤان شەھیدێن تەمەن بچووک ببیر تینن.
