نەتەوەیێن یەکبوویی: زێدەتری ملیۆنەک لوبنانی کۆچبەر بوونە

 نەتەوەیێن یەکبوویی رادگھینە، 1.4 ملیۆن کەس ژ بەر ئێریشێن ئیسرایلێ یێن ل سەر لوبنانێ کۆچبەر بوونە.

ئۆفیسا نەتەوەیێن یەکبوویی یا ل جنفێ د داخویانیەکێ دە راگھاند، ژ بەر ئێریشێن ئیسرایلێ، ئەولەھیا خوارنێ ل لوبنانێ بەر ب خرابوونێ ڤە دچە.

ھەروھا گۆت، 3189 کەس ھاتنە کوشتن و 1.4 ملیۆن کەس ژ ئەنجاما ئێریشێن ئسرایلی ل سەر لوبنانێ کۆچبەر بوونە.

ئۆفیسا نەتەوەیێن یەکبوویی دبێژە، پێویستیا خەلکێ لوبنانێ ب ئالیکاریێن مرۆڤی یێن بلەز ھەیە.

ژ 23 ئیلۆنا 2024 ڤر ڤە، ئیسرایل ئێریشی لوبنانێ دکە، د ئەنجامێ دە زێدەتری 17 ھەزار کەس ھاتنە کوشتن و بریندارکرن و زێدەتری ملیۆنەک لوبنانی ژی کۆچبەر بوون، کو نێزیکی 70 ھەزاری ژ وان کۆچبەری دەرڤەیی وەلات بوونە.

وەزارەتا تەندورستیێ رۆژا 10 مژدارێ راگھاندبوو، د ئێریشێن ئیسرایلێ یێن ل لوبنانێ دە ھەری کێم 3189 کەس ھاتنە کوشتن و 14 ھەزار و 78 کەس ژی بریندار بوونە.