مەدیایا ترکیەیێ دبێژن، “تێ چاڤەرێکرن کو ھەفتیا بێ ھەڤدیتنا دویێ لگەل ئۆجالان بێ کرن.”
مالپەرا “Gazete Duvar” یا ترکیەیی د راپۆرتەکێ دە راگەھاند، “پشتی سەردانا یەکێ یا عۆمەر ئۆجالانێ برازایێ رێبەرێ پەکەکێ یێ زندانکری عەڤدللا ئۆجالان، دەرفەت ژ بۆ ھەڤدیتنەکە دن تێ خوەشکرن.”
ل گۆر هەمان چاڤکانیێ، ممکنە پارێزەرێن ئۆجالان ژی تەڤلی ھەڤدیتنا دویێ ببن لێ ھەتا نھا ئەڤ مژار یەک ئالی نەبوویە.
ئەڤ راپۆرت د دەمەکێ دەیە کو، بریار بوو دەمژمێر 6:00 ئیرۆ سەرۆککۆمارێ ترکیەیێ رەجەب تەییب ئەردۆگان و سەرۆکێ پارتیا تەڤگەرا نەتەوەیی (مەھەپە) دەولەت باخچەلی بجڤن.
پێشتر باخچەلی داخواز کربوو کو ئۆجالان بێ ئازادکرن و ل پەرلەمانێ ترکیەیێ دانانا چەکان و ھلوەشاندنا پەکەکێ رابگەھینە.
