سەندیکایێن باکورێ کوردستانێ ل مێردینێ بانگ کرن کو داوی ل سیستەما دانینا قەیومان وەرە ئانین. ھەر وھا مافناسان خوەستن کو پرسا کورد ل سەر زەمینا ماف و دەمۆکراسیێ وەرە چارەسەرکرن و دانینا قەیومان ژی ل پێش چارەسەریا پرسا کورد دبە ئاستەنگ.
ژ بۆ شەرمەزارکرنا دانینا قەیومان سەرۆکێن سەندیکایێن پارێزەرێن باکورێ کوردستانێ ل مێردینێ داخویانیەک ھەڤپار دان چاپەمەنیێ. داخویانی ل حەوشا ئاڤاھیا دادێ یا مێردینێ ژ ئالیێ سەرۆکێ سەندیکایا پارێزەرێن مێردینێ ئەحمەد دوویان ڤە ھات خوەندن. د داخویانیێ دە ھات ئاماژەکرن کو دانینا قەیومان ل دژی یاسایێ یە، نە ل گۆری دەستورێ یە و بنپێکرنا مافێ ھلبژارتنێ یە. سەرۆکێن بارۆیان ژی بال کێشاندن کو دڤێت داوی ل سیستەما دانینا قەیومان وەرە ئانین ژ بەر کو سیستەما قەیومان زرارێ ددە دەمۆکراسیێ.
سەندیکایێن باکورێ کوردستانێ ژ مێردینێ بانگەوازی کرن کو ئێدی پێکانینا ئاشتیەک ماییندە بۆ ھەرێمێ پێدڤیەک گرینگە و بانگ ل سیاسەتمەداران ژی ھات کرن کو بەرپرسیاریێن خوە جیبجیبکن و دەملدەست بێیی کو جوداھی و ئالۆزی کورتر ببن پرسا کورد چارەسەر بکن.
سەرۆکێ سەندیکایا وانێ سینان ئۆزارەز گۆت: “پرسا کورد پرسەک بەرفرەھە، دڤێت زمان وەرە چارەسەرکرن، پەروەردە وەرە چارەسەرکرن، ناسنامە ھەیە، خوەرێڤەبرن ھەیە، ھەر وھا دانینا قەیومان ژی ھەمبەر چارەسەریا پرسا کورد دە ئاستەنگیەک گرینگە.”
