ناسنامه‌یا 4 جوانێن دن یێن كوردان ئاشكه‌ره بوو كو 6 سالان به‌رێ رێخستنا په‌كه‌كێ ئه‌و دا نه كوشتن و مرنا وان ژی وه‌كه ته‌ڤ هه‌ڤالێن وان ل مالباتێن وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا یه‌كشه‌می 17 مژدارا 2024ێ ناسنامه‌یا 4 جوانێن كورد یێك ژێ ژن ئاشكه‌ره كر كو ل مه‌هێن چریا پێشین و تیرمه‌ها سالا 2018ان ل باشوورێ كوردستانێ كه‌تبوون به‌ر ئێریشێن ده‌وله‌تا ترك و ژیانا خوه ژ ده‌ست دا بوون.
په‌كه‌كێ وه‌كه ته‌ڤ جوانێن دن یێن كوردان، مرنا ڤان چه‌كدارێن خوه ژی بۆ ده‌ما 6 سالان ل مالباتێن وان ڤه‌شارتبوو و ئیرۆ ئه‌ڤ ته‌وان ئاشكه‌ره بوو.
ناسنامەیێن هەر چار گەریلایان وهانە:
مزگین ئوموت: ناڤێ وێ یێ فەرمی عالیە ئیسازادە یە و ئەو ژ ئورمیەیا رۆژهلاتێ کوردستانێ یە.
خوینرێژ جوودی: ناڤێ وی یێ فەرمی سەردار بایارە و ئەو ژ شرنەخا باکورێ کوردستانێ یە.
کەندال دێرک: ناڤێ وی یێ فەرمی سولەیمان چەلیکە و ئەو ژ مێردینا باکورێ کوردستانێ یە.
باگەر فارقین: ناڤێ وی یێ فەرمی سەرهات گوزەلە و ئەو ژ ئامەدا باکورێ کوردستانێ یە.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
