پلانەکە کارماندێن سەرژمێریێ یێن عه‌ره‌ب ل کەرکووکێ ئاشکەرە دبە
وەلاتیەکی تاخا رەحیماوا یا کەرکووکێ ب ناڤێ رێبوار، پلانەکە کارمەندێن سەرژمێریێ یێن عه‌ره‌ب ئەشکەرە کر.
رێبوار ژ ک24ێ رە گۆت: «کارمەندێن سەرژمێریێ یێن عه‌ره‌ب ل تاخێن کوردان مالەکێ دژمێرن، چار مالان ژی ناژمێرن. کارمەندێن عه‌ره‌ب ب هەموو کوردان ناژمێرن، ئەڤ ژی دەربەیەک ل کوردانە».
گۆت ژی: «ئەز ب رێیا کانالا وە داخواز ژ سەرکردایەتیا سیاسی یا کوردی دکم کو کارمەندێن عه‌ره‌ب ژ مە رە نەشینە، بەلکو کارمەندێن کورد ژ مە رە بشینن».
ئاماژە ب وێ ژی کر، «دەما کارمەندێن عه‌ره‌ب تێن، دبێژن چەند مالبات د ڤی خانی دە دژین، ئەم دبێژن سێ مالبات، لێ ئەو دبێژن، وها نابە و دڤێ هەر مالباتەک د خانیەکی دە بە».
سەرژمێریا گشتی یا ئیراقێ رۆژا 20ێ مژدارا 2024ان برێڤە بچە. ئەنجوومەنا وەزیران یا هەرێما کوردستنێ ژی پێشتر دیار کربوو کو ئەو نە ل دژی پێکانینا سەرژمێریا گشتینە، لێ نابە ئەڤ سەرژمێری ژ بۆ ت ئارمانجەکە سیاسی وەرە بکارئانین و نابە شوونا ت رێکارێن دەستووری یێن کو د مادەیا 140 یا دەستوورێ دە هاتنە دیارکرن، بگرە.
