هەڤدیتنا پارێزەران ل گه‌ل رێبەرێ په‌كه‌كێ عه‌بدوللا ئۆجالان بۆ 6 مەهێن دن ژی هات قه‌ده‌غه‌کرن، پارێزه‌ران ژی نه‌رازیبوون ل سه‌ر ڤێ بریارا دادگه‌هێ كریه.
ل گۆری نووچەیا ئاژانسا مەزۆپۆتامیایێ (MA)، هەڤدیتنا پارێزەران ل گه‌ل هه‌ر یێك ژ عه‌بدوللا ئۆجالان، عۆمەر خه‌یری کۆنار، وەیسی ئاکتاش و هامیلی یلدرم یێن کو ل گرتیگەها ئیمرالیێ تێن گرتن هاتیە قه‌ده‌غه‌کرن.
پارێزەرێن ئۆجالان ژ بۆ هەڤدیتنا ل گه‌ل موەکلێ خوە سه‌ردانا دادوەریا دویەمین یا ئینفازێ یا بورسایێ دا.
پارێزەران دا زانین کو 6ێ چریا پاشین ژ بۆ موەکلێن وان “6 مەهـ قه‌ده‌غه‌یا هەڤدیتنێ” یا نوو هاتیە راگهاندن.
پارێزەرێن ئۆجالان ل سەر ڤێ یەکێ ل دادگەها جەزایا گران یا بورسایێ نه‌رازیبوونا بریارێ کر، لێ دادگەهێ نه‌رازیبوونا پارێزەران رەد کر.
پارێزەر ل دژی بریارێ دێ سه‌ره‌دانا دادگەها دەستوورێ یا ترکیێ بدن.
هەری داوی 3یێ گولانا 2024ان هەڤدیتنا ب ئۆجالان رە 6 مەهان هاتبوو قه‌ده‌غه‌کرن.
هەری داویێ پارلامەنتەرێ دەم پارتیێ یێ رهایێ عۆمەر ئۆجالان 23یێ چریا پێشینا ئیسال چووبوو ئیمرالیێ.
لێ هەڤدیتنا مالبات و پارێزەران یا ب ئۆجالان رە ژ 2016ان ڤە ب هنجەتێن جودا جودا تێ قه‌ده‌غه‌کرن.
