پارتییا وەلاتپارێزێن کوردستانێ (PWK) ب داخویانیەکێ بریارا دانینا قەیوومان ل سەر شارەداریێن دێرسم و پولورێ شەرمەزار دکە و دبێژە، “بریارەکا سییاسییە، ل دژی پیڤانێن دەمۆکراسییێ یە، نایێ قەبوولکرن.”
وەزارەتا ناڤخوەیا ترکیەیێ دوھی 22 مژدارێ د داخویانیەکێ دە راگھاند، شارەدارێ دێرسمێ یێ دەم پارتیێ جەودەت کۆناک و شارادەرێ ناڤچەیا پولورێ یێ جەهەپێ موستەفا سارگول ب تۆمەتا ئەندامەتیا پەکەکێ ژ ئالیێ دادگەھا سزایا گران یا دێرسمێ ڤە ھاتنە سزادان و ژ بەر ڤێ ژی ھاتنە دوورخستن.
ل سەر ڤێ بریارێ، نڤێسینگەها راگھاندنێ یا PWK ئیرۆ 23 مژدارێ د داخویانیەکێ دە ئەڤ بریار شەرمەزار کر و تێ دە گۆت:
“وەزارەتا ناڤخوەیا کۆمارا ترکییەیێ راگھاند کو سەرۆکێ شارەداریا دێرسمێ یێ دەم پارتیێ جەودەت کۆناک و سەرۆکێ شارەداریا پلوورێ یێ جەهەپێ موستەفا سارگول، ژ وەزیفەیا وان وەرگرت و ل جیھێ وان قەیووم دامزراندن.
ل شوونا جەودەت کۆناک، پارێزگارێ دێرسمێ بولەنت تەکبیکۆغلو وەکی قەیووم ھات دانان.
ل شوونا موستەفا سارگول، قایمەقامێ پلوورێ حوسەین شامیل وەکی قەیووم ھات دانان.
بریارا دامەزراندنا قەیوومان، تونە ھەسباندن و بنپێ کرنا ئیرادەیا دەنگدێرێن دێرسم و پلوورێ یە، بریارەکا سییاسییە، ل دژی پیڤانێن دەمۆکراسییێ یە، نایێ قەبوول کرن.
ئەم بریارێن دامەزراندنا قەیوومان شەرمەزار دکن.
دڤێت سەرۆکێن شارەدارییێن دێرسم و پلوورێ ڤەگەرن سەر وەزیفەیێن خوە.”
