ئەبوبەکر کاروانی: پەدەکێ چ داخوازێن حیزبی نینە، داخوازێن وێ یێن نشتمانی ھەنە

سیاسەتمەدارێ کوردستانێ ئەبوبەکر کاروانی راگەھاند کو ئەو خالێن پەدەکێ ژ بۆ پاشەرۆژا ھەرێما کوردستانێ دانیە، نە مەرجێن ژ بۆ پارتیێ بخوە نە، داخوازێن نشتمانی نە.

سەرۆک بارزانی د گۆتارا خوە یا داویێ دە و بەری وێ ژی ب بەردەوامی بەحس دکر کو ژ بۆ پاشەرۆژێ دڤێت “یەک ھەرێم، یەک پارلامەنتۆ، یەک حکوومەت و یەک ھێزا پێشمەرگە” ھەبە.

ڤێ دەربارێ دە سیاسەتمەدار ئەبوبەکر کاروانی د داخویانیەکی دە گۆت: “ب نێرینا من با، دا یەکگرتوویا ئیسلامی و ھەموو ئالیێن ئیسلامی بەشداریێ د حکوومەتێ دە کن.”

ھەروھا گۆت: “نھا ل کوردستانێ بنگەھێ ئۆپۆزیسیۆنبوونێ ھەر تنە. پێویستە ئەم قۆناغەکی پێنج شەش سالان پێکڤە، ئۆپۆزیسیۆن و دەستھلات و ھەموو ئالی، ڤێ قۆناغێ دەرباس بکن. دەستوورەکی ژ بۆ ھەرێمێ دانن، ھەرێم و بازنەیا کەسک و زەر نەھێلن. ھێزا پێمەرگە یەک بخن، سازیان ئاڤا بکن، ڤێ دەمێ واتە بدن ئۆپۆزیسیۆن و دەستھلاتێ بدن.

کاروانی دیار کر: “نھا کوردستانێ پێویستیا وێ ب حکوومەتەکا یەکتیا نشتمانی یا گشتی ھەیە، کو ئەڤ قۆناغا نازکا ل رۆژھلاتا ناڤێن بێ دەرباسکرن. ئەم ل ھەمبەر ھەموو مەترسی و گەفخوارنێن ل ناڤچەیێ تەکۆشین بکن.”

داویێ دە ژی دەربارێ وان چار خالێن کو پەدەکێ دانیە بۆ پاشەرۆژا کوردستانێ؛ “من بەرێ ژی گۆتیە، پەدەکێ حزبی نەکرنە، بەلکو داخوازێن نشتمانی نە.”