هەژمارا نفووسا شێنیێن ھەرێما کوردستانێ ھات راگەھاندن

وەزیرێ پلاندانانێ یێ ھەرێما کوردستانێ دارا رەشید د کۆنفەرانسەکا رۆژنامەڤانی دە راگەھاند، “ل گۆر ئەنجامێن بەرھایێ یێن سەرژمێریێ، ھەژمارا شێنیێن ھەرێما کوردستانێ گەھشتیە د سەر شەش ملیۆن و 370 ھەزار کەسان دە.”

وەزیرێ پلاندانانێ یێ ھەرێما کوردستانێ ئاماژە ژی دا، “ئامارا ژ سەدێ چار یا شێنیێن ھەرێما کوردستانێ ھێشتا نەھاتنە ھەژمارتن، واتە ئەو ئامارێن ئیرۆ ھاتنە راگەھاندن ئەنجامێن بەراھیێ نە.”

دارا رەشید ئەشکەرە ژی کر، “ل گۆر ئەنجامێن بەراھیێ یێن سەرژمێریێ، شێنیێن ھەرێما کوردستانێ جوانن و کەفتیە پەنجەرا دەمۆگرافیێ، کو د ڤێ قۆناغێ دە پێدڤییە رێژەیا شێنیێن تەمەنێ کارکرنێ ژ سەدێ شەش و د سەر دە بە.”

ئەنجامێن بەراھیێ یێن 96% یا سەرژمێریا شێنیان ل ھەرێما کوردستانێ:

1-  تەڤاھیا گشتی یا ھەژمارا شێنیان: زێدەتری شەش ملیۆن و 370 ھەزار کەسان.

2- رێژەیا شێنیان ل باژاران: 84%.

3- رێژەیا شێنیان ل گوندان: 16%.

4- ھەژمارا مالان: 8 ملیۆن و 37 ھەزار و 221 مال.

5-  ھەژمارا تەڤاھیا گشتی یا مالباتان: یەک ملیۆن و 379 ھەزار و 163 مالبات.

6- تەڤاھیا قەبارەیا مالباتان: 4.3 کت.

7-  هەژمارا کتەکەسێن نێر: 3 ملیۆن و 200 ھەزار و 506 کەس (50.24%).

8- ھەژمارا کتەکەسێن مێ: 3 ملیۆن و 170 ھەزار و 162 کەس (49.76%).

9-  رێژەیا مالباتێن ژن سەرۆکاتیا وان دکن: 11.86%.

10- رێژەیا مالباتێن مێر سەرۆکاتیا وان دکن: 88.14%.

11- رێژەیا شێنیێن د بن ژیێ کارکرنێ دە، کێمتر ژ 15 سالیێ: 31.9%.

12-  رێژەیا شێنیێن د ژیێ کارکرنێ دە، د ناڤبەرا 15 ھەتا 64 سالیێ دە: 63.07%.

13- رێژەیا شێنیێن د سەر ژیێ کارکرنێ دە، 65 سالی و مەزنتر: 4.4%.

14- رێژەیا زێدەبوونا شێنیێن ھەرێما کوردستانێ ل بەرانبەری 2009: 2.48%.

15- ھەژمارا یەکینەیێن ئاکنجیبوونێ: دو ملیۆن و 28 ھەزار و 37 یەکینە.