پۆلیسان ئاڤێت سەر مالا هەڤسەرۆکێ شارەداریا پەیاسێ جەنگیز دوندار و ئەو بنچاڤ کرن. هەروها ل دیاربەکر، مێردین، شرنەخ و ستەنبۆلێ ژی هەژمارەک کەسێن دن ژی هاتن بنچاڤکرن.
هێزێن ئەولەکاریێ ل دیاربەکر دانێ سبێ ئاڤێتن سەر گەلەک مالان و هەڤسەرۆکێ شارەداریا پەیاسێ جەنگیز دوندار ژی د ناڤ دە، گەلەک کەس هاتن بنچاڤکرن.
هەڤسەرۆکێ شارەداریا پەیاسێ جەنگیز دوندار ژ هەسابێ خوەیێ ئینستاگرامێ راگهاند، پۆلیسان ئاڤێتیە سەر مالا وی و ئامادەکاریا بنچاڤکرنا وی دکن و پاشێ ژی هات زانین کو جەنگیز دوندار هاتیە بنچاڤکرن.
هات زانین کو ئۆپەراسیۆنا بنچاڤکرنێ ل باژارێن وەک دیاربەکر، مێردین، شرنەخ و ستەنبۆلێ ژی هاتیە ل دارخستن و کەسێن وەک سەرۆکێ کۆمەلەیا رۆژنامەگەرێن ژن یا مەزۆپۆتامیایێ رۆزا مەتینا، دەرهێنەر ئاردین دیرەن، رۆژنامەگەر ئاهمەت سومبول ژی تێ دە گەلەک کەس هاتنە بنچاڤکرن.
