بارینا بەرفێ باندۆرەکا نەباش ل گەلەک پارێزگەھێن ترکیەیێ دکە. بەرفا کو بەردەوام دکە ل گەلەک باژارێن باکورێ کوردستانێ و ترکیەیێ تەسیرەکا نەرینی ل ژیانێ دکە.
رێڤەبەرییا 15ێ یا دییاربەکرێ ژ بۆ باژارێن باکورێ کوردستانێ ھشیارییا بەرف و بارانەکە زێدە دا.
ھەر وھا 182 کەسێن کو ل ساکاریایێ و 12 کەسێن کو سێ پارێزگەھێن ھەرێما بەحرا رەش ل بەرفێ دە ئاسێ مابوون ھاتن رزگارکرن.
ل سێواسێ ژ بەر بارینا بەرف و باگەرێ، 650 کەسێن ل سەر رێیان ئاسێ مایین ژ بۆ پاراستنێ ژ ئالییێ ھەزێن ئەولەھییێ ڤە ل جھێن جودا جودا ھاتن بجیھکرن. ناڤەندا باژارێ شرنەخێ ژی پشتی بارینا بەرفا ئەولا دەمسالێ سپی بوو.
ھێژایێ گۆتنێیە کو ل باکورێ کوردستانێ و گشتی ل ترکییەیێ رێیێن ب سەدان گوند و باژارۆکان ژ بۆ چوویین و ھاتنێ گرتن و ژ بۆ ڤەکرنا ڤان رێیان چالاکی بەردەوام دکن.
