ل تاخا شێخ مەقسوودا گرێدایی پارێزگەھا حەلەبێ، رێخستنا چەتە یا ب ناڤێ “جوانێن شۆرەشگەر” یا سەر ب پارتیا کارکەرێن کوردستانێ (پەکەکێ)ڤە، زارۆکەکی تەمەن بچووکێ کورد ب ئارمانجا تەڤلیکرنا ناڤا رەفێن پارتیێ رەڤاند.
ل گۆر ئاگاهیان، د رۆژا 22/11/2024 دە رێخستنا “جوانێن شۆرەشگەر” زارۆکێ ب ناڤێ حەنان دایان حەسەن، 16 سالی، ژ تاخا شێخ مەقسوود ل پارێزگەھا حەلەبێ رەڤاندیە و ئەو بەر ب کامپێن تەجنیدکرنێ ڤە بریە و ھەتا نھا چارەنڤیسا وی نە دیارە.
ل گۆری ناسنامەیێ زارۆکێ ب ناڤێ حەنان د 1ێ چلەیا 2008 دە ل ئاوکانێ ژ دایک بوویە و دایکا وی مەزیت رەشۆیە.
تاخا شێخ مەقسوود د بن کۆنترۆلا یەکینەیێن پاراستنا گەل یێن سەر ب پارتیا یەکیتیا دەمۆکراتیک دەیە کو ھێزا سەرەکەیا ھێزێن سووریەیا دەمۆکراتیکە.
