تركیێ ده‌رخستنا هه‌رێما زاپێ ژ ده‌ست په‌كه‌كێ ب فه‌رمی راگهاند
ده‌وله‌تا ترك كۆنترۆلكرنا هه‌رێما زاپێ یا ل باشوورێ كوردستانێ ب فه‌رمی راگهاند و ئاشكه‌ره كر ئه‌نیا زاپێ ب یێك جاری ل چه‌كدارێن رێخستنێ هاتیه قوتكرن و ئه‌ڤ یێك ده‌ستكه‌فتا ئۆپه‌راسیۆنا په‌نجه كلیتێ یه.
وه‌زیرێ به‌رگریێ یێ تركیێ یه‌شار گۆله‌ر دوهـ رۆژا سێشه‌می 26 مژدارا 2024ێ ل پارلامه‌نتۆیا تركیێ د جڤینا بودجه‌یا وه‌زاره‌تا به‌رگریێ ده ئاخڤی و گۆت: «كۆنترۆلا هه‌رێما زاپێ نها د ده‌ست ئارتێشا تركیه‌یێ ده یه، ئه‌ڤ ئه‌نیه ب ته‌مامی ل چه‌كدارێن رێخستنا په‌كه‌كێ هاتیه قوت كرن».
گۆله‌ر هه‌ر وها دبێژه: «ده‌ستخستنا زاپێ ب یێك ژ ده‌ستكه‌فتیێن ئۆپه‌راسیۆنا په‌نجه كلیتێ تێ حه‌ساب كرن، ئۆپه‌راسیۆنا كو ژ 22 نیسانا سالا 2022ان ڤه تێ مه‌شاندن».
رێخستنا په‌كه‌كێ ژ سالا 2020ێ ڤه ب ئاوایه‌كی سیستماتیك هه‌رێمێن باشوورێ كوردستانێ راده‌ستی ئارتێشا تركیێ دكه و ئه‌ڤ یێك ب 4 قوناغا تێ جیبجیكرن.
سیاسەتا په‌كه‌كێ یا راده‌ست كرنا خاكا باشوورێ كوردستانێ کو د چارچووڤێ «میساقا مللی» یا ترکیێ دە ب ئاگاهدارییا دەولەتێ و گرۆپا ئه‌نقه‌رێ یا د ناڤ پەکەکێ دە تێ جی ب جی کرن، ل گۆر وێ پیلانێ، بەشەکی مەزن ژ خاکا باشوورێ کوردستانا ئازاد ب تایبه‌ت ناڤچه‌یا «به‌هدینان» دکەڤە د دەست دەولەتا ترک دە، كۆنترۆلا زاپێ ژی د چارچووڤه‌یا ڤێ پیلانێ ده كه‌تیه د ده‌ست ئارتێشا تركیێ ده.
چاڤكانی: الشرق الاوسط
