ترکیێ کوشتنا بەرپرسەکا پایەبلندا پەکەکێ راگەھاند

ئیرۆ 27/11/2024 چاپەمەنیا ترکیێ بەلاڤ کر، د ئۆپەراسیۆنەکا ئیستخباراتی یا ل شنگالێ دە، رێڤەبەرا پەکەکێ یا ب ناڤێ سەعدیە محەمەد ئەحمەد هاتیە کوشتن.

ل گۆر ئاژانسا ئانادۆلو کو زمانحالا فەرمی یا دەولەتا ترکیێ یە، ھات راگەھاندن سازیا ئیستخباراتا میلی یا ترکیێ (میت)ێ د ئۆپەراسیۆنەکا تایبەت دە ل شنگالێ کاریە بەرپرسا پەکەکێ یا ب ناڤێ سەعدیە محەمەد ئەحمەد کو وەک ھێڤی دھاتە ناسکرن، بکوژە.

ل گۆر ھەمان چاڤکانیان سەعدیە محەمەد ئەحمەد ژ سالا 2001 ڤە ل سووریێ و ھەرێما کوردستانێ بەشداری خەباتێن رێخستنێ بوویە، و یەک ژ بەرپرسێن ئیستخباراتا پەکەکێ بوویە و د ئۆپەراسیۆنەکی دە ھاتیە کوشتن.