ھێزەکا ئارتێشا ئیراقێ ئیرۆ 27 مژدارێ ل گوندێ مەنسوور یێ سەر ب داقووقێ ڤە ل پارێزگەھا کەرکووکێ 10 گوندی دەستەسەر کرن.
محەمەد ئیبراھیم ژ ئەنجوومەنا گوندێ مەنسوور ئەشکەرە کر، ھێزەکا ئارتێشا ئیراقێ ب سەر گوند دە گرت و بێ بریارا دادوەر 10 گوندی دەستەسەر کرن.
محەمەد ئیبراھیم دیار کر ژی، بەشەک ژ وان کەسان جۆتکار و ھندەک ژی شڤانن، یەک ژ وان ژی پێشمەرگەیە.
ھەروھا داخوازا چارەسەریەکا بلەز ژ بۆ رەوشا گوندی کر، کو تێ دە ھێزێن ئیراقێ ب فەرمانا عەرەبێن ھاوەردە تەڤدگەرن و ژ بۆ بەرژەوەندیێن وان زۆردەستیێ ل وەلاتیان و جۆتکارێن کورد دکن.
محەمەد ئیبراھیم بانگ ل سەرکردایەتیا سیاسییا کوردستانێ ژی کر کو سینۆرەکێ ژ بۆ ڤان بنپێکرنان دەینن.
