ل دیلۆک و مانیسایێ ب تومه‌تا كو بەشداری خوەپێشاندانان بوونە و «پرۆپاگاندەیا په‌كه‌كێ» کرنە، 21 کەس هاتن دەستەسەرکرن.
ئەڤ چەند رۆژن کو ل گەلەک باژارێن ترکیە و باکورێ کوردستانێ هێزێن ئەولەهیێ ب سەر مالان دە دگرن و ب «تومه‌تا په‌كه‌كێ» خەلکێ دەستەسەر دکن.
برێڤەبریا ئەولەهیێ یا دیلۆکێ راگهاند کو تیمێن برێڤەبریا شاخا دژی تەرۆرێ ب هەڤکاریا سەردۆزگەریا کۆمارێ یا دیلۆکێ ئۆپەراسیۆن کر.
ل گۆری ئاگاهیان د ئۆپەراسیۆنان دە ب تومه‌تا کو پێشتر بەشداری خوەپێشاندانان بوونە و «پرۆپاگاندەیا په‌كه‌كێ» کرنه 15 کەس هاتن دەستەسەرکرن.
هەر وها ل باژارێ مانیسایێیێ ترکیەیێ ژی ئۆپەراسیۆنەک هات کرن.
تیمێن شاخا دژی تەرۆرێ یا فەرمانداریا جەندرمەیێن مانیسایێ ل ناڤچەیێن شەهزادەلەر، یونوسەمرە، گۆلمارمارا و ئالاشەهرێ كه‌سێن ب ناڤێن «ن.ە.، ن.ی.،ە.ک.، ی.ب.، و.ن. وئە.د.» دەستەسەر کرن.
ل گۆری ئیدیعایان کەسێن ناڤبۆری ل سەر مەدیایا جڤاکی پرۆپاگاندایا په‌كه‌كێ کریە.
ل ترکیە و باکورێ کوردستانێ، هێزێن ئەولەهیێ رۆژانە ب سەر مالان دە دگرن و ب «تومه‌تا په‌كه‌كێ» خەلکێ سڤیل و سیاسەتمەدارێن کورد دەستەسەر دکن.
ب تایبەتی پشتی دانینا قەیوومان ل سەر شارەداریێن مێردین، ئێلهـ و خەلفەتیێ هێزێن ئەولەهیێ یێن ترکیەیێ ئۆپەراسیۆنێن دەستەسەرکرنێ یێن ل دژی کوردان زێدەتر کرنە.
