ل سەر شارەداریا مکسێ یا دەم پارتیێ قەیووم ھات دانین

وەزارەتا ناڤخوەیا ترکیێ، بۆ شارەداریا ناڤچەیا مکسێ یا وانێ یا دەم پارتیێ قەیووم دانی.

وەزارەتا ناڤخوەیا ترکیەیێ راگھاند، شارەدارێ مکسێ ئایڤاز حازر، ژ ھێلا چارەمین دادگەھا سزایا گران یا وانێ ڤە، ب تۆمەتا ئەنجدانا تاوانێ و بانگەشەیا پەکەکێ ب سێ سال و مەھەکێ ھاتیە سزادان.

دا زانین، ژ بەر سزا و دۆزێن بەردەوامیێن ئایڤاز حازر ژ پۆستێ شارەداریا مکسێ ھاتیە دوورخستن و شوونا وی، قایمقامێ مکسێ وەک قەیووم ھاتیە دانین.

ب فەرمانا وەزارەتا ناڤخوەیا ترکیێ ھەتا نھا بۆ شارەداریێن جۆلەمێرگ، مێردین، باتمان، خەلفەتی و دێرسمێ قەیووم ھاتنە دانین. ھەر وھا بۆ شارەداریێن ئەسەنیورت و پلوورا دێرسمێ یێن جەهەپی ژی قەیووم ھاتبوون دانین.

لگەل مکسێ ھەژمارا شارەداریێن کو قەیووم ھاتنە دانین، گھشت ھەشت شارەداریان.