ھەڤشارەدارا دێرسمێ بیرسەن ئۆرھان کو قەیووم ل شوونا وێ ھاتیا دانین و سزایێ ھەپسا مالێ بۆ ھاتبوو دەرکرن، ھات بنچاڤکرن.
ھەڤشارەدارا دێرسمێ بیرسەن ئۆرھان کو د 22 مژدارێ دە قەیووم ل شوونا وێ ھاتبوو دانین و سزایێ زیندانا مالێ بۆ ھاتبوو دەرکرن، ئیرۆ جارەکە دن ل مالا خوە یا ل ناڤچەیا پێرتاگێ ھات بنچاڤکرن.
بیرسەن ئۆرھان ل ھەژمارا خوە یا تۆرا جڤاکی “X” پەیامەک بەلاڤ کر و تێ دە گۆت: “ئەز تێم بنچاڤکرن.”
ھات دیارکرن کو بیرسەن ئۆرھان ب ئیدیعایا “موخالەفەتا ل دژی قانوونا خوەپێشاندان و مەشان” و “بەرخوەدانا ل دژی پۆلیسان” ھاتیە بنچاڤکرن.
ب فەرمانا وەزارەتا ناڤخوەیا ترکیێ ھەتا نھا، ژ بۆ شارەداریێن جۆلەمێرگ، مێردین، باتمان، خەلفەتی، دێرسم و مکسێ یێن دەم پارتیێ، ھەر وھا بۆ شارەداریێن ئەسەنیورت و پلوورا دێرسمێ یێن جەهەپی ژی قەیووم ھاتنە دانین.
