شێنیێن گوندێ گوهەرزێ بەرتەک نیشانی نووچەیەکە چاپەمەنیا پەکەکێ دان و راگهاندن، نووچەیا پەکەکێ سەروبن دەرەو و بێ بەختیە.
د رۆژا 27/11/2024 دە ئاژانسا رۆژ نیوس یا پەکەکێ کو ل سلێمانیی وەشانێ دکە، نووچەیەک ل سەر ناڤێ “چەکدارێن پەدەکێ ژ گوندێ گوھەرزێ 3 جوان رەڤاندن” پارڤە کر، لێ بەلێ هات هین بوون کو نووچەیا پەکەکێ دەرەوە.
یەک ژ شێنیێن گوندێ گوهەرزێ کو ناڤێ وی ژی د ناڤا وان کەسان دە یە کو پەکەکێ راگهاندیە ژ ئالیێ پەدەکێ ڤە هاتیە دەستەسەرکرن، ب مەرجێ کو ناڤێ وی نەیێ ئەشکەرە کرن ژ دارکا مازی رە راگەهاند، ئەم ب ڤێ نووچەیا پەکەکێ ماتمایی مان، ژ بەر کو دەرەوەکە ئەشکەرە بوو، مە قەت باوەر نەدکر پەکەکە دەرەوەکە ب ڤی ئاوا ل سەر ناڤێ مە پارڤە بکە، دەما مە نووچە دیتی، هەم کەنا مە هات و هەم ژی پرسەک ل جەم مە پەیدا بوو کو ئەو ژی ئەڤ پرسە بوو، “گەلۆ چما پەکەکە دەرەوەکە ب ڤی ئاوا ل سەر مە پارڤە دکە، هەیانی نها پەکەکێ چەند دەرەوێن ب ڤی ئاوا پارڤە کرنە و خەلکێ باوەر کرنە؟”
د نووچەیا خوە دە پەکەکە دبێژە، “بەریا چەند رۆژان 3 جوانێن گوندێ گوھەرزێ دیمەنێ بۆمبەبارانا دەولەتا ترکا داگیرکەر قەیدکرن و بەلاڤکرن. ل سەر داخوازا ئارتێشا ترکا داگیرکەر چەکدارێن پەدەکێ ب سەر گوند دە گرتن و ئەو جوان بنچاڤکرن.” ئەڤ ژی دەرەوەکە پڕ ئەشکەرەیە، ژ بەر کو رۆژانە ڤیدەئۆیێن شەرێ سەختە یێ د نێڤبەرا پەکەکێ و ئارتێشا ترکیێ کو بوویە سەدەم خەلک رحەتسز ببە ژ ئالیێ جوانان ڤێ تێن قەید کرن و د سۆسیال مەدیایێ دە تێن پارڤە کرن و هەیانی نها ژی ت کەس نەهاتیە گرتن.
ئەڤ شێنیێ گوندێ گوهەرزێ دبێژە، ئەم نزانن مەبەستا پەکەکێ ژ ڤەهاندنا دەرەوێن ب ڤی ئاوایی چییە، لێ بەلێ، پر ئەشکەرە یە کو نە ژ بۆی بەرژەوەندیا شێنیێن گوهەرزێ یە.
هەر وەها دەستنیشان کر، پەکەکێ د نووچەیا خوە دە دەرەوەک دن ژی کریە، پەکەکێ ناڤێ 10 کەسان ژ شێنیێن گوند ئەشکەرە کریە و گۆتیە، هەر ژ بەر ڤێ سەدەمێ پێش نها ڤانە دەما 6 مەهان هاتنە دەستەسەرکرن و ئیشکەنجەکرن، ئەڤ ژی دەرەوەکە ئەشکەرەیە، ژ بەر کو گوند پڕ بچووکە و ئەم دزانن د ناڤا گوند دە چ روو ددە، ژ ناڤێن کو پەکەکێ د نووچەیا خوە دە باس کرین ب تەنێ 1 کەس دەما شەش مەهان هاتیە دەستەسەرکرن بێ کو ئیشکەنجە لێ وەرە کرن، ئەڤ ژی نە ژ بەر قەیدکرنا ڤیدەئۆیێن شەر، بەلکو ژ بەر بازرگانیا ب کومێن قەدەغەکری کو ل گۆر قانۆنا ئیراقێ پەکەکە ژی یەک ژ وان کومایە.
رۆژ دەرباس نابە کو تێ دە پەکەکە چەندین دەرەوان ل سەر باشوورێ کوردستانێ و پەدەکێ پارڤە نەکە، تشتا ئەجێب ژی ئەڤە کو تەڤی پەکەکە دزانە وێ ئەڤ دەرەو وەرن ئیفشا کرن ژی، لێ بەلێ دیسا دەرەوێن خوە بەردەوام دکە، پەکەکە دخوازە ب ڤان دەرەوان بنکەتنێن خوە یێن سیاسی و لەشکەری بپەچنە.
