پارلامەنتۆیا کوردستانێ: ھەموو ئامادەکاریەک ژ بۆ جڤینا سبە ھاتیە کرن

رێڤەبەرێ راگھاندنێیێ پارلامەنتۆیا کوردستانێ سامان ئەحمەد راگھاند، ھەموو ئامادەکاری ژ بۆ جڤینا یەکەما خولا شەشەما پارلامەنتۆیا کوردستانێ ھاتنە کرن.

سامان ئەحمەد ئیرۆ 1ێ بەرچلە د کۆنگرەیەکە رۆژنامەڤانی دە گۆت: “سبە پارلامەنتۆیا کوردستانێ ب سەرۆکاتیا پارلامەنتەرێ ھەری ب تەمەن کو ئەردەلان محەمەد سەرسپی یە، جڤینا یەکەما خولا شەشەما پارلامەنتۆیا کوردستانێ تێ کرن.”

دا زانین ژی، “د جڤینێ دە، پارلامەنتەر دێ ژ ئالیێ سەرۆکێ پارلامەنتۆیێ ڤە بێن ڤەخوەندن، تا کو سووندێ بخون.”

رۆژا ئینێ 18 جۆتمەھێ دەنگدانا تایبەت و رۆژا یەکشەمێ 20 جۆتمەھێ ژی دەنگدانا گشتی یا خولا شەشەمینا پارلامەنتۆیا کوردستانێ برێڤە چوو. د دەنگدانا تایبەت دە رێژەیا بەشداربوونێ ژ %97 و د ھلبژارتنێن گشتی دە ژی ژ %72 دەرباس بوو.

ھەژمارا کورسیێن پارتیێن سیاسی ل گۆری ئەنجامێن ھلبژارتنێ:

پدک: 39 کورسی

ینک: 23 کورسی

نەوەی نوێ: 15 کورسی

یەکگرتوویا ئیسلامی: 7 کورسی

تەڤگەرا ھەلوەست: 4 کورسی

کۆمەلا دادوەریێ: 3 کورسی

بەرەیێ گەل: 2 کورسی

تەڤگەرا گۆڕانێ: 1 کورسی

ھەڤپەیمانیا ھەرێما کوردستانێ: 1 کورسی

کۆتایا پێکھاتەیێن: 5 کورسی