كۆمارا ئیسلامیا ئیرانێ جه‌زایێ دارڤه‌كرنێ دا جوانێ كورد یێ ب ناڤێ میهراب عه‌بدوللازادە ژ به‌ر كو ئه‌و به‌شداری سه‌رهلدانا ژینا ئه‌مینی ببوو.
ل گۆری رێخستنا مافێن مرۆڤان هەنگاوێ؛ جوانێ كورد میهراب عه‌بدوللازادە ژ باژارێ ئورمیێ یه و ته‌مه‌ن 26 سالی یه، ژ ئالیێ رەژیما ئیرانێ ڤە ب تۆمەتا «خیانەتێ» جەزایێ دارڤەکرنێ لێ هات برین.
میهراب عه‌بدوللازادە ژ ئالیێ شاخا 2 یا دادگەها شۆرەشێ یا ئورمیێ ڤە ب جەزایێ دارڤەکرنێ هات مەحکوومکرن.
هات دیارکرن کو عه‌بدوللازادە د دەما سەرهلدانا ژن، ژیان، ئازادی یا د ئیلۆنا 2022ان دە، ژ ئالیێ هێزێن رەژیما ئیرانێ ڤە هات بنچاڤکرن و برن ناڤەندا ئەولەکاریا ئورمیێ.
پشتی چەند مەهێن ئیشکەنجە و لێپرسینێ، میهراب عەبدوللا زادە بۆ گرتیگەها ناڤەندی یا ئورمیێ هاتبوو ڤەگوهەستن.
