چاپەمەنیا ترکیێ راگەھاند، سازیا ئیستخباراتا میلی یا ترکیێ (میتێ) ل ھەرێما تل رەفعەتا رۆژئاڤایێ کوردستانێ یەک ژ بەرپرسێن پەکەکێ یێن د لیستەیا سۆرا کەسێن لێگەرینا وان ھەیی یێ ب ناڤێ یاشار چەکیک کو ناڤ رێخستنێ دە ژی وەک یاشار ھەکاری تێ ناسکرن د ئۆپەراسیۆنەکی دە کوشتیە.
ئاژانسا ئانادۆلو کو زمانحالێ فەرمی یێ دەولەتا ترکیێ یە، ژ چاڤکانیێن ئەولەھیێ راگەھاندیە کو یاشار چەکیکێ کو سالا 1993 تەڤلی رەفێن پەکەکێ بوویە و د گەلەک چالاکیێن ل دژی ھێزێن ئەولەھیا ترکیێ دە خوەدی بەرپرسیارتیە ل ئۆپەراسیۆنەکا ل ھەرێما تل رەفعەتێ یا میتێ دە ھاتیە کوشتن.
