ئەنجومەنا نشتیمانی یا کورد ل سووریێ ب ئەلەقەیەک مەزن گەشەدانێن بلەز ل باکورێ سووریێ دشۆپینە، پشتی کۆنترۆلکرنا هەرێمێن ئدلب و حەلەبێ ژ ئالیێ هەیەت تەحریر ئەل-شام و کۆمێن ئارتێشا نشتمانی د رۆژێن بۆری دە.
ئه‌نه‌كه‌سێ ئیرۆ رۆژا دوشه‌می 2/12/2024ێ داخویانی ده‌ربارێ گه‌شه‌دانێن داوی یێن ل باكورێ سووریێ دا و گۆت: «دەربارێ رێکەفتنان و داخوازا كۆچبه‌ربوونا به‌ر ب رۆژهلاتا فراتێ ڤه یا كو ژ گەلێ کورد تێ كرن، ئەنجوومەنا نشتمانی یا کوردی ب توندی هەر هەولەک ژ بۆ گوهەرتنا پێکهاتەیا دەمۆگرافیک ئان ژجیهووواربوونێ رەد دکە، و تەکەزی ل سەر مافێ خەلکێ دکە کو د مالێن خوە دە بمینن و ب مافێن خوە ڤە گرێدایی بن».
ئه‌نه‌كه‌سێ هه‌ر وها گۆت: «ژ بەر ڤێ یەکێ ئەم بانگ ل گەلێ خوەیێ کورد ل حەلەب و شەهبایێ دکن نه‌كه‌ڤن ڤێ ته‌پكا كۆچبه‌ربوونا ب دلخوازی و ل مالێن خوه بمینن و ب وان ده‌نگۆیان نه‌یێن خاپاندن یێن كو دبێژن دێ كورد راستی قركرنێ بێن».
ئه‌نه‌كه‌سێ ئه‌ڤ یێك راگهاند و هەر وها بانگ ل نەتەوەیێن یەکبوویی، یەکیتیا ئەورۆپا، دەولەتێن یەکبوویی یێن ئامەریکا، فرانسا، بریتانیا، ئەلمانیا و ترکیێ ژی دکە کو سڤیلان بپارێزن و بەرپرسیاریێن خوە بگرن سەر خوە.
ئەنجوومەن هەر وها بانگ ل کۆمێن چەکدار دکە کو سڤیلان نەکن هەدەف و رێزێ ل جان و مالێن وان بگرن، و داخواز ژ گەلێ عەفرینێ یێ کو ژ سالا 2018ان ڤە ل هەرێما شەهبا کۆچبەر بوونە، ڤەگەرن مالێن خوە هه‌ر وه‌ها بانگ ل ئێتێلافا نشتیمانیا هێزێن سووریێ كر كو کار بکن ژ بۆ هێسانکرنا ڤەگەرا ئاوارەیان بۆ دەڤەرێن وان یێن رەسەن.
ئەنجوومەن رەژیما سووریێ بەرپرسیارێ سەرەکە د بەر بەردەوامیا کارەساتا سووریێ دە دبینە، ژ بەر نەرازیبوونا وێ، رەدکرنا بریارێن ناڤدەولەتی، ئاستەنگکرنا پرۆسەیا سیاسی، ئسرارا وێ ل سەر پەیداکرنا چارەسەریێن لەشکەری و ئەولەهیێ، و پاشگوهکرنا وێ داخوازێن رەوایێن گەلێ سووریێ، کو ئالۆزی کوورتر کر و ئالۆزی درێژ کر.
