چەکدارێن هەیئەتا تەحریر ئەل شامێ ل حه‌له‌بێ وەلاتیەکی کورد د ناڤا مالا وی دە کوشتن.
چەکدارێن هەیئەتا تەحریر ئەل شامێ رۆژا دوشەمێ وەلاتیێ کورد عه‌بدۆ عەبدولمەنان عەبدوللاهـ ل ناڤچەیا واحەیێ یا حه‌له‌بێ د ناڤا مالا وی دە ئەو کوشتن.
دەما کو چەکدارێن هەیئەتا تەحریر ئەل شامێ کەتبوون مالا وەلاتیێ ناڤبۆری، نیقاشەکە توند د ناڤبەرا وی و چەکداران دە دەرکەتبوو و د ئەنجامێ دە، چەکداران ل وی دابوون هەتا کو ئەو کوشتن.
عه‌بدۆ عەبدولمەنان عەبدوللاهـ خەلکێ گوندێ قتمێ یێ عه‌فرینێ یە.
ئەو ژ بەر دژاتیا حکوومەتا سووریەیێ 8 سالان د زیندانا سەیدایێ دە گرتی مابوو.
پشتی ئێرشێن هەیئەتا تەحریر ئەل شامێ ل شەهبایێ ژ رۆژا دوشەمێ ڤە کاروانێن کۆچبەران ژ وێ ناڤچەیێ دەردکەڤن.
بەشەک ژ کۆچبەران دچن هەرێمێن رێڤەبەریا خوەسەر و بەشەک ژی دچن هەرێما عه‌فرینێ.
