ناسنامه‌یا سێ چه‌كدارێن دن یێن په‌كه‌كێ ئاشكه‌ره بوو، رێخستنێ ئه‌و ژی وه‌كه ب هه‌زاران جوانێن كوردان د به‌رخوه‌دانا خوه یا ساخته و بێ ئه‌نجام دا به‌ریا 6 سالان فه‌دا كر بوون و مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژا دوشه‌می 2\12\2024ێ، ناسنامه‌یا 3 چه‌كدارێن خوه ئاشكه‌ره كر كو ل ئادارا سالا 2018ێ ل باشوورێ كوردستانێ كه‌تنه به‌ر ئێریشان و ژیانا خوه ژ ده‌ست دا نه و ژ نوو ڤه ئیرۆ مرنا وان ئیفشا كر.
ناڤێن وان ووسایه:
فه‌رهاد شه‌فیق ژ جۆله‌مێرگێ.
یاڤوز فه‌رهاد ژ مێردینێ.
ئۆنده‌ر محه‌مه‌دسالح ژ وانێ.
هه‌په‌گێ وه‌كه ب سه‌دان رێهه‌ڤالێن وان، ئه‌ڤ 3 جوانێن كورد ژی د به‌رخوه‌دانا خوه یا ساخته و بێ ئه‌نجام ده دا نه كوشتن و د په‌سنێ وان ده دبێژه: ئه‌و ملیتانێن ئاپۆ بوون، فه‌دایێ ئاپۆ بوون!.
په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، جوانێن كو ژ بۆی ئاپۆ به‌رێ وان دا یه مرنێ و مرنا وان ڤه‌شارتی هشتی.
