شوشتنگەھەکە ئۆتۆمۆبیلان ل باژارێ دێرکێ ھات بۆمبەبارانکرن و د ئەنجامێ دە 2 کەس ھاتن کوشتن و 2 کەس ژی بریندار بوون.
مەدیایا سەر ب رێڤەبەریا خوەسەر ڤە بەلاڤ کر، درۆنەکا ترکیەیێ شوشتنگەھا ئۆتۆمۆبیلان “ئارارات” ل نێزی گەراجا پاسان یا باژارێ دێرکێ ئارمانج گرت.
دا زانین ژی، د ئەنجاما ئێریشێ دە 2 وەلاتیێن کو ل ور بوون جانێ خوە ژدەست دان و 2 کەسێن دن ژی بریندار بوون و ژ بۆ نەخوەشخانەیێ ھاتن راکرن.
ترکیەیێ ب بەردەوامی ناڤچەیێن جودایێن رۆژئاڤایێ کوردستانێ دکە ئارمانج. ل گۆری ئامارێن رەوانگەھا سووری بۆ مافێن مرۆڤان، ترکیەیێ ژ دەستپێکا ئیسال ڤە، 190 جاران ئێریش پێک ئانینە و د ئەنجامێ دە 44 کەس ھاتنە کوشتن و زێدەتر ژ 130 کەسان بریندار بوونە.
