وەزیرێ ناڤخوە یێ ترکیەیێ عەلی یەرلیکایا داخویانیەک ل ھەژمارا خوە یا تۆرا جڤاکی “X” بەلاڤ کر و دا زانین، ھێزێن ئەولەھیێ ل 30 پارێزگەھان ل دژی ئەندامێن پەکەکێ، یەپەگێ، کەجەکێ و پەیەدێ ئۆپەراسیۆنەکە بەرفرەھ ل دار خستنە و نێزی 147 گومانبار گرتنە.
دا زانین ژی ئۆپەراسیۆن ل سەمسوور، ئاگری، ئانتالیا، ئەردەخان، ئایدن، ئێلھ، چەولیگ، بۆلو، دیاربەکر، ئەدیرنە، ئەلەزیز، ئەرزرۆم، جۆلەمێرگ، ھاتای، دیلۆک، گرەسون، ئیدر، ستەنبۆل، مانیسا، مێردین، مێرسین، موگلا، کۆجاعەلی، سێواس، سێرت، رحا، شرنەخ و وانێ ھاتنە کرن.
یەرلیکایا گۆت، ئۆپەراسیۆنێ 10 رۆژان دەوام کر و دەستنیشان کر کو تێکۆشینا وان یا ل دژی تەرۆرێ راناوەستە و ھەر کەسێ کو پشتگریێ بدە رێخستنێن تەرۆرێ، دێ بێ سزادان.
ل گۆر داخویانیا وەزیرێ ناڤخوەیێ ترکیەیێ، کەسێن ھاتنە دەستەسەرکرن ل سەر مەدیایا جڤاکی پرۆپاگاندایا رێخستنێن تەرۆرێ کرنە و د ڤێ دەربارێ دە لێپرسین ل دژی وان دەست پێ کرنە.
