داخویانیا چاپەمەنیێ:
ل بەرامبەر ئێرشێن کۆمێن تەرۆریستێن ئیسلامی ل دژی گەلێ کورد بێدەنگ نەبن!
ژ بۆ: ھەموو حەزکریێن ئازادیێ، حکوومەتا سوێدێ، نەتەوەیێن یەکبوویی، دەولەتێن یەکبوویی یێن ئامەریکایێ و پارلامەنتۆیا ئەورۆپایێ.
فەدەراسیۆنا کۆمەلەیێن کوردستانێ ل سوێدێ، کۆمیتەیا سەرکردایەتیا سیاسی یا کورد ل سوێدێ و ناڤەندا دیاسپۆرێ یا کوردستانێ ل سوێدێ بانگا راوەستنا ل دژی ئێرشێن کۆمێن تەرۆریستێن ئیسلامی دکن.
ئەم بانگ ل جڤاکا ناڤدەولەتی دکن کو دەملدەست ژ بۆ پاراستنا مافێن مرۆڤان و رووبرووبوونا بنپێکرنێن بەردەوامێن ل دژی گەلێ کورد ل رۆژئاڤایێ کوردستانێ (بەشێ سووریێ) تەڤبگەرن.
گەلێ کورد ژ دەستێ کۆمێن ئیسلامی یێن کو ژ ئالیێ ئامەریکا ڤە وەک تەرۆریست ھاتنە بناڤکرن و ترکیێ کو وەلاتەکێ ئەندام د ناتۆیێ دەیە پشتگریا وان دکە، زیانێن مەزن دبینە؛ کوشتنا گەلەک سڤیلان و کۆچبەرکرنێن کۆمی دقەومن. ئەم بانگ ل ھەموو کەسی دکن کو ل دژی ڤان کۆمێن دەڤبخوین کو ئارامی و ئەولەھیا ھەرێمێ تەھدید دکن بسەکنن.
ئارمانجا ترکیێ ئەشکەرەیە: لاوازکرنا مافێن کوردان ب کۆچبەرکرن، کوشتن و زندانکرنا وان و گوھەرتنا دەمۆگرافیا گەلێ کورد. ئەڤ تەرۆریستێن ئیسلامی و چەتەیێن کوژەر بەردەوامیا تەرۆریستێن ئەلقاعیدە نە، ئێریشێن خوە ل سەر ھەرێمێن کوردان زێدەتر کرنە.
شەرێ ڤێ داوییێ یێ ھەری دژوار بوو ژ دەما کو کۆمێن ئیسلامی، ب پێشەنگییا ھەیەت تەحریر ئەل-شام، ژ نشکاڤە ئێریشەکە دژوار دەستپێ کر. کۆمێن تەرۆریستێن ئیسلامی ڤێ داویێ باژارێ حەلەبێ ب دەست خستنە و بالافرێن شەرێن سووریێ و رووسیا ب دەھان ئێرش ل دەردۆرا حەمایێ پێک ئانینە. د ڤێ ناڤبەرێ دە، ھێزێن حکوومەتا سووریێ ئامادەکاریا ئێریشەکە دژبەر دکن.
د ڤێ رەوشا ئالۆز دە، ھەڤپەیمانیا ب پێشەنگیا کوردان، ھێزێن سووریەیا دەمۆکراتیک (ھەسەدە)، ھەول ددە کو رێرەوەکێ مرۆڤی ئاڤا بکە ژ بۆ دەرخستنا کوردان ژ حەلەب و باژارێ تل رەفعەت بەر ب ھەرێمێن کوردی یێن خوەسەر ل باکور-رۆژھلات ڤە. تەل رەفعەت نھا ژ ئالیێ ھێزەکا ب پشتگریا ترکیێ ڤە تێ کۆنترۆلکرن و ئەڤ رەوشێ ئالۆزتر دکە.
ئەڤ کۆمێن کو رێبازێن وان ب توندی، زۆرداری و ھۆڤیتیێ تێنە بناڤکرن، نە تەنێ کێمنەتەوێن ل ھەرێمێ، د ھەمان دەمێ دە نرخێن دەمۆکراتیکێن کو ل جیھانا مەدەنی دپارێزن ژی تەھدید دکن. زێدەیی 10.000 کوردێن سڤیل، کو د ناڤ وان دە زارۆک، ژن و کال و پیر ھەنە، نھا د رەڤینێ دە نە.
ژ بەر ڤێ یەکێ ئەم بانگ ل جڤاکا ناڤنەتەوەیی دکن کو رێگریێ ل ئێرشێن ڤان کۆمێن تەرۆریستێن ئیسلامی بکەن دا کو ئەو د دیرۆکێ دە شاھدیا قرکرنەکا نوو یا ل سەر گەلێ کوردێ سڤیلە. ئەم ھێڤی دکن کو جیھان ل ھەمبەر ڤان بنپێکرنان کەڕ، کۆر و لال نەبە، وەکی کو دیرۆکێ دەر بارێ ئێرشێن کوردان دە گەلەک جاران نیشانی مە دایە.
ستۆکھۆلم 4 کانوونا 2024
فەدەراسیۆنا کۆمەلەیێن کوردستانێ ل سوێدێ (فەکەکەسە)
کۆمیتەیا ھێزێن سیاسییێن کوردستانی ل سوێدێ (ھەڤکاری)
ناڤەندا دیاسپۆرا کورد ل سوێدێ (کەدەجە)
