کۆمێن چەکدارێن مخالەفەتا سووریەیێ راگهاند کو ئەو دێ ئێرشی باژارێ منبجێ یێ د بن کۆنترۆلا هێزێن سووریەیا دەمۆکراتیک (هه‌سه‌دێ) دە بکن. كۆمێن چه‌كدار هه‌سه‌دێ ب خیانه‌تا شۆره‌شێ و پشتگریا به‌شار ئه‌سه‌د تاوانبار دكه.
کۆمێن چەکدارێن مخالەفەتا سووریەیێ کو ترکیە پشتگریا وان دکە رۆژا ئینێ ل گەلەک جهان هەول دا ئێرشی هێزێن سووریەیا دەمۆکراتیک (هه‌سه‌دێ) بکن.
کۆمێن چەکدار ئیدیعا کر کو وان گوندەکی باشوورێ منبجێ کۆنترۆل کریە لێ هه‌سه‌دێ ئەڤ یەک پشتراست نەکر.
مەجلسا لەشکەری یا منبجێ راگهاند کو د بەرسڤداینا هێزێن وان دە گەلەک چەکدار هاتن کوشتن.
مەجلسێ هەر وها دا زانین کو 3 شەرڤانێن وان جانێ خوە ژ دەست دایە و دیار کر کو وان هەولدانەکە دەرباسبوونا گوندێ تل ئەسوەدێ یێ کۆمێن چەکدار شکاندیە.
چەند رۆژ پشتی کو هەیەتا تەهریر ئەل شامێ دەست ب ئێرشا ل دژی هەرێمێن د بن کۆنترۆلا حکوومەتا سووریەیێ دە کر، کۆمێن چەکدارێن کو ترکیە پشتگریا وان دکە ل دژی هەرێمێن کو هه‌سه‌ده کۆنترۆل دکە دەست ب ئۆپەراسیۆنەکێ کر.
کۆمان هەتا نها گەلەک جاران ئێرشی هەرێمێن د بن کۆنترۆلا هه‌سه‌دێ دە کریە لێ د هەمان دەمێ دە هەیەتا تەهریر ئەل شامێ و هه‌سه‌دێ ل هەڤ کریە کو ب هەڤ رە شەر نەکن.
کۆما چەکدارا ب ناڤێ ئارتێشا نشتمانی یا سووریەیێ، هێزێن سووریەیا دەمۆکراتیک (هه‌سه‌دێ) ب «ئیخانەتا شۆرەشێ» و پشتگریا حکوومەتا بەشار ئەسەد تاوانبار دکە.
ئارتێشا نشتمانی یا سووریەیێ بانگی خەلکێ منبجێ کر کو خوە ژ چەپەر و ناڤەندێن لەشکەری یێن هه‌سه‌دێ دوور بخن.
ل ئالیێ دن، مەدیایا نێزیکی رێڤەبەریا خوەسەر راگهاند کو ئارتێشا ترکیەیێ و کۆمێن چەکدار 11 گوندێن منبجێ ب چەکێن گران کرنە
