تەشکیلاتا ئیستخباراتا نەتەوەیی یا ترکیەیێ (میتێ) راگهاند کو وان کاریە، مورڤەت گولسەڤەر یا ب کۆد ناڤێ “ژیان ھەردەم” کو یەک ژ بەرپرسیارێن پەکەکێ بوویە ل سلێمانیێ بکوژن.
ل گۆر ئاگاهیێن د مەدیایا ترکیەیێ دە هاتین پارڤەکرن، گولسەڤەر د سالا 1992 دا تەڤلی رەفێن پەکەکێ بوویە و تێکلیێن بهێز لگەل بەرپرسێن پایەبلندێن پەکەکێ هەبوونە.
چاڤکانیێن مەدیایی یێن ترکیەیێ ددن ئەشکەرە کرن، گولسەڤەر ل ھەرێما پێنجوینێ یا سەر ب باژارێ سلێمانیێ چالاکئ دکرن، پشتی کو جھێ وێ ژ ئالیێ میتێ ڤە ھاتیە تەسبیتکرن، میتێ دەست ب ئۆپەراسیۆنێ کر و ل باژارێ سلێمانیێ گولسەڤەر کوشت.
مەدیایا ترکیەیێ هەر وەها ئەشکەرە کریە، گولسەڤەرێ ل چۆلوارێ مێردین، شرنەخ و سێرتێ ل دژی ھێزێن ئەولەھیا ترکیەیێ چالاکیێن چەکداری کرنە و ل سووریەیێ ل با عەبدوللا ئۆجالانێ پەروەردەیا چەکداری و ئایدۆلۆژیک دیتیە.
ئەڤ د دەمەکی دە یە کو پێش 7 رۆژان، ئانکو د 30/11/2024 دە چاپەمەنیا پەکەکێ کوشتنا ڤێ بەرپرسا خوە ئەشکەرە کربوو، و راگهاندبوو ئەو د 30ی مژدارا سالا 2023 دە هاتیە کوشتن.
