رێڤەبەریا خوەسەر ژ بەر رەوشا ئالۆزا ل سووریەیێ، رەوشا ئاوارتە ل رۆژئاڤایێ کوردستانێ و ناڤچەیێن د بن دەستهلاتا خوە راگھاند.
رێڤەبەریا خوەسەر ئیرۆ 8 بەرچلە د داخویانیەکێ دە راگھاند، “ژ بەر رەوشا ئالۆزا ل تەڤاھیا سووریەیێ، ئەم بانگ ل گەلێ خوە، ھێزێن ئەولەکاریا ھوندرین، ھێزێن پاراستنا جەوھەری، ھەموو سازی، پارتی، رێخستنێن مە و ھەموو کەچ و کوورێن گەلێ خوە دکن کو ل ھەمبەری ئاژاوەیان ژ بۆ پاراستنا گوند و باژارێن خوە د ئاستا ھەری بلند دە بالدار بن. دڤێت ئەو د ھشیاریا گشتی دە بن.”
ل سەر بانگا رێڤەبەریا خوەسەر، ھێزێن پاراستنا جڤاکێ ل گەل ھێزێن ئەولەکاریا ھوندرین، ل باژارێ قامشلۆ تەدبیر گرتن و دەوریەیێن خوە ل تاخ و کۆلانێن باژێر زێدە کرن.
پشتی رووخاندنا رێژیما بەشار ئەسەد ل سووریەیێ ئیرۆ دانێ سبێ، ھێزێن ئەولەکاریا ھوندرین ل حەسەکێ دەست ب پاراستنا دەزگەھێن گشتی یێن خزمەتگوزاریێ کرن.
