ئەنەکەسە: کەتنا رەژیما بەشار ئەسەد دەستپێکا دیرۆکەکا نوویە ژ بۆ ھەموو گەلێ سووریێ

ئەنجوومەنا نشتمانی یا کورد ل سووریەیێ (ئەنەکەسە) رادگھینە، “ئیرۆ ب کەتنا بەشار ئەسەد، دەستپێکا دیرۆکەکا نوو ژ بۆ ھەموو گەلێ سووریێ یە.”

راگھاندنا ئەنەکەسێ ئیرۆ 8/12/2024 د داخویانیەکێ دە گۆت: “ئیرۆ یەکشەمێ 8/12/2024ێ، کەتنا بەشار ئەسەد دەستپێکا دیرۆکەکا نوو ژ بۆ ھەموو گەلێ سووریایێ یە. ب نووچەیا کەتنا دەستھلاتا رێژیما ئەسەد شاھی ل ھەموو ناڤچە و ھەرێمێن پارێزگەھێن سووریایێ ھاتن ل دارخستن.”

ئەنەکەسێ گۆت ژی، “پەیکەرێ حافز ئەسەد ل قامشلۆ و حەسەکێ و ھەموو ناڤچەیێن سووریەیێ ھاتن خوارێ.”

ئەڤ پەیاما مەزلووم عەبدی د دەمەکێ دەیە، ئیرۆ گرووپێن چەکدارێن ئۆپۆزیسیۆنێ کەتن شامێ و داوی ل دەستھلاتا رێژیما بەشار ئەسەد ئانین.

گرووپێن چەکدارێن ئۆپۆزسیۆنێ د داخویانیەکێ گۆت: “پشتی 50 سالان ژ زلم و زۆرداریا د بن دەستھلاتا بەعس دە و 13 سالان ژ تاوان، زولم و کۆچبەری و پشتی تێکۆشینەک درێژ و رووبرووبوونا لگەل ھەر جورە ھێزێن داگیرکەر دا، ئەم ئیرۆ 8/12/2024 داویا ڤێ سەردەما تاری و دەستپێکا سەردەمەک نوو ژ بۆ سووریەیێ رادگھینن.”

ھەروھا گۆت: “د سووریەیا نوو دە، ھەر کەس دێ د ناڤ ئاشتیێ دە ب ھەڤ رە بژی، دادمەندی سەردەستە و دادوەری پێک تێ، کو ھەر سووریەییەک تێ دە خوەدی روومەتە و دێ بێ پاراستن. ئەم رووپەلا پاشەرۆژا تاری دقولبینن و ئاسۆیەکا نوو ژ بۆ پێشەرۆژێ ڤەدکن.”