رەوانگەھا سووری: گرووپێن چەکدار یێن نێزیک ترکیێ منبج کۆنترۆل کرن

 ئیرۆ 9/12/2024 رەوانگەھا سووری یا مافێن مرۆڤان راگەھاند، کو گرووپێن چەکدار یێن نێزیک ترکیێ باژارێ منبج کۆنترۆل کرنە.

رەوانگەھا سووری یا مافێن مرۆڤان بەیانامەیەک بەلاڤ کر و راگەھاند: “شەرەکی گران د ناڤبەرا گرووپێن چەکدارێن نێزیک ترکیێ و ئەنجوومەنا لەشکەری یا منبجێ دە پێکھاتن و ژ بەر وی شەری 15 چەکدارێن وان گرووپێن سەر ب ترکیێ و 35 چەکدارێن ئەنجوومەنا لەشکەری یا منبجێ و ھێزێن ئاساییشا ناڤخوەیا باژار ھاتنە کوشتن.

ھات راگەھاندن، ئەنجامێ دە گرووپێن چەکدارێن نێزیک ترکیێ باژارێ منبجێ کۆنترۆل کرن و تەنێ چەند خالەکە لەشکەری یێن دەردۆرا منبجێ د بن کۆنترۆلا ئەنجوومەنا لەشکەری یا منبجێ دە مانە.