درۆنەکا ترکیەیێ مالەکێ ل گوندێ مستەریحەیێ ل دەردۆرا عەین عیسایێ ل باکورێ رەقایێ بۆمبەباران دکە، د ئەنجامێ دە ژی 11 گوندی ل دەردۆرا رەقایێ ھاتنە کوشتن.
رەوانگەھا سووریەیێ یا مافێن مرۆڤان ل سەر مالپەرا خوەیا فەرمی راگەھاندیە، “ژ ئەنجامێ بۆمبەبارانکرنا مالەکێ ل گوندێ مستەریحەیێ ل دەردۆرا عەین عیسایێ ل باکورێ رەقایێ ژ ئالیێ درۆنەکا ترکیەیێ ڤە، 11 گوندی ھاتن کوشتن کو تەڤایا وان ئەندامێن یەک مالباتێ نە و شەش ژ وان ژی زارۆکن.
عەین عیسا دکەڤە دەڤەرا بن دەستھلاتا ھێزێن ھەسەدێ. ل گۆر راگەھاندنا رەوانگەھا سووریەیێ یا مافێن مرۆڤان، ژ دەستپێکا ئیسال ڤە بالافرێن گرێدایی ھێزێن ئاسمانی یێن ترکیەیێ 191 ئێریش کرنە سەر دەڤەرێن ل بن دەستھلاتا خوەسەر و د ئەنجامێ دە، ھەژمارا وان کەسێن سڤیلێن کو ب بۆمبەبارانا بالافرێن ترکیەیێ ھاتنە کوشتن گەھشتیە 55 کەسان.
