کۆمێن چەکدارێن مخالەفەتا سووریەیێ راگهاند کو وان باژارێ دێرەزۆرێ کۆنترۆل کر.
هێزێن سووریەیا دەمۆکراتیک (هه‌سه‌دێ) ژی ل دێرەزۆرێ شەرڤانێن خوە ژ رۆژئاڤایێ چەمێ فەراتێ ڤەکشاندن و ل 7 گوندێن کو جهێن کۆمێن چەکدارێن سەر ب ئیرانێ ڤە بوون مان.
ل گۆری چاڤدێریا مافێن مرۆڤانا سووریەیێ (سۆهر)، پشتی هه‌سه‌ده ژ باژارێ دێرەزۆرێ ڤەکشیا هێزێن خوە ل گوندێن حەتلە، ئەل سالحیێ، مەرات، ئەل حوسەینیە، تابیە جەزیرە، خەشام و مەزلوومێ ب جهـ کرن.
ل باژارێ دێرەزۆرێ ژی هنەک کەس ئالیگرێن هه‌سه‌ده‌یی نه و هنەک کەس ژی بوونە دژبەری وێ و تەڤلی هێزێن ئۆپەراسیۆنا «رەدع ئەل-عدوان» بوون.
ل دێرەزۆرێ د چەند رۆژێن بۆری دە هنەک کەسان خوەنیشاندان کر و خوەست کو هه‌سه‌ده ژ وی باژاری دەرکەڤە و کۆمێن سەر ب ئۆپەراسیۆنا «رەدع ئەل-عدوان»، دەرباسی وی باژاری ببن.
د دەما خوەپێشاندانان دە ئالۆزی دەرکەت و 6 کەس هاتن کوشتن و هنەک کەس ژی بریندار بوون.
