پشتی نەمانا دەستهلاتا بەشار ئەسەد، گەفێن سەرۆککۆمارێ ترکیەیێ یێن ل سەر رۆژئاڤایێ کوردستانێ زێدە بوونە. هەڤدەم ل گەل گەفێن ئەردۆگان، ئێرشێن ئارتێشا ترکیەیێ ژی ل رۆژئاڤایێ کوردستانێ و ل هەرێمێن د بن کۆنترۆلا هه‌سه‌دێ دەنە بەردەوام دکن.
سەرۆککۆمارێ ترکیەیێ رەجەپ تایییپ ئەردۆگان گۆت: «د دەمەکە کورت دە ل بەشێن دن یێن سووریەیێ ژی سەرێ رێخستنێن وەکی داعش و په‌كه‌كه/په‌یه‌ده ژی دێ بێ هەرشاندن. ب ڤی ئاوایی ژی دێ یەکرێزی و یەکیتیا سووریەیێ ل سەرانسەرێ وەلات بێ بهێزکرن».
ل ئالیێ دن، ئێرشێن ئارتێشا ترکیەیێ ژی ل رۆژئاڤایێ کوردستانێ و هەرێمێن د بن کۆنترۆلا هه‌سه‌دێ دەنە بەردەوامن.
هەری داوی دۆهـ و پێر د ئێرشێن ئارتێشا ترکیەیێ و گرووپێن چەکدارێن کو ئەنقەرە پشتەڤانیا وان دکە دە ل دو گوندێن عەین عیسایێ و گوندەکی کۆبانیێ 22 کەس هاتن کوشتن.
رۆژا دوشەمێ ژی ئارتێشا ترکیەیێ چەند ئێرش ل قامشلۆیێ پێک ئانین.
رایەدارێن ترکیەیێ ئیدیعا کر کو میتێ ئۆپەراسیۆن کریە و د ئێرشێ دە 12 بارهلگرێن کو چەکێن گران، مووشەک و جەبلخانە تێ دە بوون، ل گەل 2 تانک و دو دەپۆیێن جەبلخانەیانێن ژ دەستهلاتا ئەسەد کەتبوون دەستێ یه‌په‌گێ هاتنە تێکبرن.
