ژ بەر بەلاڤۆکەکێ کو تێ دە بانگا “یه‌كرێزییا كوردان” ل مه‌زلووم عه‌بدی دکە، چه‌كدارێن په‌یه‌دێ ئه‌ندام و سەرکردەیەکی پارتیەکە کوردی یێ ب ناڤێ فه‌رحان حه‌سه‌ن ده‌سته‌سه‌ر كرن.
تۆرا چاڤدێریا مافێن مرۆڤان یا سووریێ راگهاند كو دوهـ چارشەمێ 11 به‌رچله یا 2024ێ چه‌كدارێن پارتیا یەکیتیا دەمۆکراتیک (په‌یه‌دێ) بالێ په‌كه‌كێ یا ل رۆژئاڤا كوردستانێ، بەرپرسەکی پارتیه‌كه کوردی ب ناڤێ فه‌رحان حه‌سه‌ن ده‌سته‌سه‌ر كر و بۆ جیهه‌كێ نه‌دیار برنه.
دا زانین، چه‌كدارێن په‌یه‌دێ ئەندازیار فەرحان حەسەن، ئەندامێ کۆمیتەیا هه‌رێمی یا پارتیا یەکیتی یا کوردستان – سووریێ، یا گرێدایی ئەنجوومەنا نشتمانی یا کورد ل سووریێ (ئه‌نه‌كه‌سێ) ل جهێ كارێ وی كو د کارگەها گازێ دە ل گوندێ ئەل-سووەیدیێ ل گوندەوارێ دێرکێ، ده‌سته‌سه‌ر كرن.
په‌یه‌ده وه‌لاتپارێزان ل سه‌ر داخوازا یه‌كرێزییا كوردان ده‌سته‌سه‌ر دكه
ل گۆری چالاکڤانێن کورد، فه‌رحان حه‌سه‌ن ژ بەر کو ل سەر تۆرێن جڤاکی نڤیسەک نڤیساندیە و تێ دە داخوازا یەکرێزیا کوردان کریە، هاتیە گرتن.
تۆرەیێ ئاماژە ب وێ یەکێ ژی کر، کو چه‌كدارێن په‌یه‌دێ فه‌رحان حه‌سه‌ن برن جهەکی نە دیار، و هەتا نها چارەنڤیسا وی نە دیارە.
تۆرێ ترسا خوە ئانی زمان کو فه‌رحان حه‌سه‌ن دێ راستی ئیشکەنجەیا لاشی یان ژی ونداکرنا ب زۆرێ وەرە.
د هەیاما مەهێن بۆری دە چه‌كدارێن په‌یه‌دێ ب دەهان سەرکردە و ئەندامێن پارتیێن ئه‌نه‌كه‌سێ ل رۆژئاڤایێ کوردستانێ گرتن و بەشەک ژ وان سەربەست بەردان و هەتا نها چارەنڤیسا هنەکان نە دیارە.
