مەزلووم عەبدی دیار کر کو تەڤی لھەڤکرنا د ناڤبەرا ئارتێشا نەتەوەیی یا سووریەیێ و ئامەریکایێ دە پەڤچوون ددۆمن، مەزلووم عەبدی راگھاند کو ژ بەر ئێریشان وان ئۆپەراسیۆنێن ل دژی داعشێ راوەستاندیە.
عەبدی ژ بۆی سکای نیوس ژی داخویاکرن کو، داعش دەست ب سوودوەرگرتنا ژ ئالۆزی و ناکۆکیێن پشتی رووخانا بەشار ئەسەد کر.
مەزلووم عەبدی گۆت، “داعش نھا ل بیابانا سووریێ بھێزتر بوویە. وان بەرێ خوە ل دەڤەرێن دوور دڤەشارت، لێ نھا ئازادیا وان زێدەترە، ژ بەر کو چ پرسگرێکێن وان لگەل کۆمێن دن نینن و لگەل وان ناکەڤن ناکۆکیێ. ل ھەرێمێن د بن کۆنترۆلا مە دە ژی چالاکیێن وان زێدە بوون. “تەنێ چەند رۆژان بەرێ سێ ئەندامێن ھێزێن ئەولەکاریا ھوندرین د ئێریشەکا داعشێ دە ل حەسەکێ جانێ خوە ژ دەست دان.”
فەرماندارێ گشتی یێ ھەسەدێ مەزلووم عەبدی دیار کر کو ژ بەر گەف و ئێریشێن کۆمێن چەکدار یێن کو ترکیە پشتگریا وان دکە، ئۆپەراسیۆنێن ل دژی داعشێ راوەستاندنە.
