نوونەرێ ئەنەکەسێ: ئەز ژ بۆ بەرەڤانیکرنا ل مافێ گەلێ کورد ل شامێ مە

 جیگرێ سەرۆکێ ھەڤپەیمانیا نشتمانی یا سووری و نوونەرێ ئەنجوومەنا نشتمانی یا کورد ل سووریێ (ئەنەکەس)ێ عەبدولحەکیم بەشار ئاشکەرا کر، کو ئەو ژ بۆ چەند ئەرکەکێن تایبەت دەربارێ سووریێ و پرسا گەلێ کورد ل شامێ یە.

عەبدولحەکیم بەشار د تۆرا جڤاکی یا فەیسبۆکێ دە راگەھاند: “ئەز ھەتا نھا ژی ل شامێ مە، ژ بۆ ئەرکێ دیارێ تایبەت دەربارێ سووریێ و پرسا رەوا یا گەلێ کورد ئەز ل وێ دەرێ مە.”

ھەروھا گۆت: “ھەموو ئەو بەرنامەیێن ب ھەماھەنگیا ل گەل سەرۆکاتیا ئەنەکەسێ و نوونەرتیا ئەنجوومەنێ ل شامێ مە دانینە ھاتنە تەمامکرن و ئەو ژی د ھەڤدیتنان دە ل گەل من بەشدارن.”