جان دۆست: جودابوونا ژ پەکەکێ بەری ترکیێ داخوازا کوردێن سووریێ یە

رۆمان نڤیسێ ناڤدارێ کورد جان دۆست ئیرۆ 14/12/2024 بەحسا دەرکەتنا کوردێن سووریێ ژ بن باندۆرا پەکەکێ کر و دیارکر ئەو ئێدی ب تەقەزی پێکبێ.

جان دۆست د پارڤەکرنەکا خوە یا ل سەر فەیسبۆکێ دە نڤیساند: “بەری کو جودابوونا ژ پەکەکێ داخوازەکا ترکیێ بە، داخوازا کوردێن سووریێ بخوەیە ژی.”

ھەروھا دبێژە: “کوردێن سووریێ دڤێت ژ بن عەبایێ وێ پارتیێ دەرکەڤن، کو کارەساتێن مەزن ل ھەموو پارچەیێن کوردستانێ دیتنە.”

جان دۆست دبێژە: “حکوومەت و بەرژەوەندیێن کوردان دخوازە کو پەیوەندیا ئیدەۆلۆژیک بێ قوتکرن و چ دەمەک گونجاوتر ژ ڤێ دەمێ نینە.”

نڤیسکارێ کورد دیار کر: “ب ڤی ئاوایی دێ یەکرێزیا ئالیان زێدەتر پێکبێ، پێگەھا کوردان ل شامێ دێ بھێزتر ببە و دەنگێ وان دێ زێدەتر بێ بیھیستن.”

جان دۆست دبێژە: “قوتکرنا پەیوەندیان تەنێ ل سەر زمان نابە، نابە ترکیە و رەژیما نوو بخاپینی، دڤێت پێنگاڤ ل سەر وی بنگەھی ھەبن کو جیھێ باوەریێ بن.”